მსოფლიო

მსოფლიოში „კოვიდ 19“-ის ახალი შემთხვევების რეკორდული მაჩვენებელი გასულ 24 საათში დაფიქსირდა - ტედროს გებრეისუსი

ჯანდაცვის მსოფლიო ორგანიზაციის გენერალური დირექტორის, ტედროს ადანომ გებრეისუსის თქმით, ვირუსის გავრცელებიდან დღემდე „კოვიდ 19“-ის ახალი შემთხვევების ყველაზე დიდი რაოდენობა გასული 24 საათის განმავლობაში დაფიქსირდა.

„ამ პანდემიაში ჩვენ ჯერ კიდევ გრძელი გვაქვს გასავლელი. ბოლო 24 საათში მსოფლიოში ვირუსის 106 000 ახალი შემთხვევა გამოვლინდა“, – განაცხადა გებრეისუსმა.

მისივე თქმით, შემთხვევების ორი მესამედი ძირითად ოთხ ქვეყანაზე მოდის, ესენია – ამერიკის შეერთებული შტატები, რუსეთი, ბრაზილია და ინდოეთი.

ტედროს ადანომ გებრეიესუსმა შეშფოთება გამოხატა იმის გამო, რომ დაბალი და საშუალო შემოსავლის მქონე ქვეყნებში დაინფიცირებულების რაოდენობა მნიშვნელოვნად იზრდება.

შეგახსენებთ, ბოლო მონაცემებით, მსოფლიოში კორონავირუსით დაინფიცირებულთა რაოდენობა 5 მილიონს აჭარბებს, დაღუპულია 329 731 და გამოჯანმრთელებულია 2 მილიონზე მეტი ადამიანი.