უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
მთლიანობაში რეფორმები არის მოწონებული - სოზარ სუბარი ვენეციის კომისიის დასკვნაზე
საქართველოს განსახლებისა და ლტოლვილთა მინისტრის, სოზარ სუბარის განცხადებით, ვენეციის კომისიამ საკონსტიტუციო ცვლილებები მოიწონა.
სუბარის თქმით, სამთავრობო გუნდი აპირებს, ბონუსების სისტემაში ზედა ზღვრის გარდა სხვა მექანიზმები შეიტანოს.
„ვენეციის კომისიის დასკვნას ბუნებრივია გავეცანი, ეს არის დაახლოებით ის, რისი მოლოდინიც ჩვენ გვქონდა. მთლიანობაში რეფორმები არის მოწონებული. არის რამდენიმე საკითხი, რაზეც წინასწარ გვქონდა განცდა და ინფორმაციაც, რომ იქნებოდა შენიშვნები, ეს შენიშვნები ნამდვილად არის. ეს შეეხება მაგალითად, ბონუსის სისტემას. არა ის, რომ ბონუსის სისტემა მიუღებელია, არამედ ის, რომ ბონუსის სისტემას უნდა ჰქონდეს გარკვეული ზედა ზღვარი, თუმცა ჩვენი პასუხი ამაზე არის, რომ არა მხოლოდ ზედა ზღვარს ვაწესებთ, არამედ, გაცილებით უფრო რთული მექანიზმი შემოგვაქვს, რომელიც შეუძლებელს ხდის მომავალში აბსოლუტურ უმრავლესობას საქართველოს პარლამენტში“, - განაცხადა სუბარმა.
სუბარმა აღნიშნა, რომ ვენეციის კომისიამ მოიწონა პრეზიდენტთან დაკავშირებული საკონსტიტუციო ცვლიბებები.
მინისტრის თქმით, თითქმის შეუძლებელია ვენეციის კომისიის რჩევის შესრულება, რომ ახალი კონსტიტუცია საყოველთაო კონსესუსის გზით იყოს მიღებული.
„ერთი რამ არის, როდესაც ვენეციის კომისია ამბობს, რომ უნდა იყოს სრული კონსესუსი პოლიტიკურ პარტიებს შორის, თუ ქართულ საზოგადოებაში, სამწუხაროდ, თუ საბედნიეროდ ეს შეუძლებელია, რადგან შეუძლებელია ყველა ადამიანს ჰქონდეს ერთი აზრი. ვერ წარმომიდგენია საქართველოში დადგეს დრო, როდესაც ვთქვათ, ერთ მხარეს ”გირჩი” და მეორე მხარეს საზოგადოების გარკვეული ნაწილი ერთ პოზიციაზე იქნება მიწის არა მოქალაქეებზე გაყიდვასთან დაკავშირებით. ასეთი უამრავი თემაა - საპრეზიდენტო მმართველობა, საპარლამენტო, კონსტიტუციური მონარქია, თუ რამე სხვა შუალედური, ამაზე საზოგადოებაში 100%-იანი კონსესუსი არასდროს არ იარსებებს. ჩვენ თუ დავიწყებთ ასეთი კონსესუსის ლოდინს, მაშინ მოგვიწევს საკონსტიტუციო რეფორმის 4, 8, ან 80 წლით გადატანა და შეიძლება მაშინაც არ არსებობდეს ასეთი კონსესუსი”, - განაცხადა მინისტრმა.
ანა მებურიშვილი