უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
კომენტარი
ნატო ჩხეიძე: „ქართული ოცნება“ აგონიაშია ხელისუფლების დაკარგვის შიშით
„მაშინ, როცა ჩვენი ევროპული პარტნიორები და აგრეთვე ამერიკის ელჩი გვეუბნებიან, რომ აღარ უნდა განმეორდეს ძალადობა, მოსყიდვა, უსამართლობა, რაც წინა არჩევნებზე იყო, და ივანიშვილის რეჟიმი იგივენაირად იქცევა, - ეს არის გამოწვევა როგორც საკუთარი ხალხის, ასევე საერთაშორისო პარტნიორი საზოგადოების,“ - ასე ეხმაურება ხაშურისა და ქარელის ოლქში “ძალა ერთობაშია“- ს მაჟორიტარობის კანდიდატი ნატო ჩხეიძე 29 სექტემბერს მარნეულში განვითარებულ მოვლენებს.
დეპუტატის თქმით, „ქართული ოცნება“ აგონიაშია ხელისუფლების დაკარგვის შიშით და უკანონო სისტემური ქმედებებით ცდილობს მმართველობის შენარჩუმებას.
„მარნეულის გუშინდელი ძალადობრივი მოვლენები, როცა სცემეს სამოქალაქო აქტივისტი, იძალადეს ჟურნალისტზე, დაშავდნენ ადამიანები და დაზიანდა პირადი საკუთრება და ამ მოვლენებში მონაწილეობდა სახელმწიფო ჩინოვნიკი, - ეს უკვე აღარ არის კერძო დანაშაული, ეს სამთავრობო სისტემური დანაშაულია.
მაშინ, როცა ოცნების ხელისუფლება კიდევ ერთხელ დაპირდა საზოგადოებას, რომ არჩევნების პერიოდში მოიქცეოდა, როგორც დემოკრატიული ქვეყანა და “ეთიკის კოდექსს “ ხელი მოაწერა; მაშინ, როცა ჩვენი ევროპული პარტნიორები და აგრეთვე ამერიკის ელჩი გვეუბნებიან, რომ აღარ უნდა განმეორდეს ძალადობა, მოსყიდვა, უსამართლობა, რაც წინა არჩევნებზე იყო, და ივანიშვილის რეჟიმი იგივენაირად იქცევა, - ეს არის გამოწვევა როგორც საკუთარი ხალხის, ასევე საერთაშორისო პარტნიორი საზოგადოების.
აშკარაა, რომ „ქართული ოცნება“ აგონიაშია ხელისუფლების დაკარგვის შიშით და უკანონო სისტემური ქმედებებით ცდილობს მმართველიბის შენარჩუმებას, რასაც საქართველოს მოსახლეობა და საერთაშორისო დამკვირვებლები ერთობლივი ძალით აღარ დაუშვებენ.
ეს ნიშნავს, რომ 31 ოქტომბერს საქართველოში ხელისუფლება მართლაც შეიცვლება და ახალი, კოალიციური მთავრობა შექმნის სასიკეთო ცვლილებებს ჩვენი ქვეყნისთვის,“ - აცხადებს ნატო ჩხეიძე.
ცნობისთვის, გუშინ, გვიან ღამით მარნეულში მომხდარი ინციდენტისას დაშავდნენ „ნაციონალური მოძრაობის“ წარმომადგენლები, „მთავარი არხის“ ჟურნალისტი, ხოლო „პირველი არხის“ ოპერატორს კამერა დაუმტვრიეს და ფიზიკური შეურაცხყოფა მიაყენეს. მომხდართან დაკავშირებით შინაგან საქმეთა სამინისტრომ გამოძიება ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით დაიწყო.