უკან

უახლესი ამბები

დღის კალენდარი

ანონსები

არქივი

პოლიტიკა

29 ნოემბერი, 2016 17:00
font-size

ნაციონალური მოძრაობის პოლიტსაბჭოს 22 წევრი საგანგებო განცხადებას ავრცელებს

ნაციონალური მოძრაობის პოლიტსაბჭოს 22 წევრის განცხადებით, საჭიროა დიდი, მაქსიმალურად წარმომადგენლობითი ყრილობის ჩატარება, რომელშიც მინიმუმ 7 ათასი დელეგატი მიიღებს მონაწილეობას.

მათივე თქმით, პარტიიდან მისი დამფუძნებლისა და მთავარი საარჩევნო კაპიტალის, მიხეილ სააკაშვილის დისტანცირების მცდელობა პოლიტიკური თვითმკვლელობის ტოლფასი იქნება.

მედიანიუსი განცხადებას უცვლელად გთავაზობთ.

„8 ოქტომბრის საპარლამენტო არჩევნებში ნაციონალური მოძრაობა იბრძოდა გამარჯვებისთვის და გეგმავდა არაერთი მაჟორიტარული ოლქის მოგებას. ობიექტურიდა სუბიექტური მიზეზების გამო არჩევნები დასრულდა ქვეყნისათვის სავალალოდ.სასურველი შედეგის მისაღწევად ოლიგარქმა გამოიყენა ადამიანების დაშინება, შანტაჟი, მოსყიდვა, ადმინისტრაციული რესურსი, ძალოვანი სტრუქტურები, ძალოვანებთანსინქრონში მოქმედი კრიმინალური სამყარო, ხოლო რიგ უბნებზე - პირდაპირი დარბევა. შედეგად, ივანიშვილისადმი დაქვემდებარებულმა და მისთვისსასურველმა პრორუსულმა ძალებმა პარლამენტში მანდატების 82% მიიღეს, რაც არ ასახავს ქართული საზოგადოების განწყობებსა და ინტერესებს.

მიუხედავად ზემოაღნიშნულისა, ნაციონალური მოძრაობამ მიიღო ასობით ათასი ხმა და ის რჩება კოლაბორაციონისტული რეჟიმის ერთადერთ ალტერნატივად.

ამ სიტუაციაში, ორმაგად მნიშვნელოვანია ჩატარდეს დიდი, მაქსიმალურად წარმომადგენლობითი ყრილობა (მინიმუმ 7000 დელეგატი), რომლის მოწვევის წესი ჩვენს მიერ უკვე შემუშავდა და წარედგინა პარტიის პოლიტსაბჭოს. ასეთმა ყრილობამ მექანიკურად კი არ უნდა აირჩიოს მმართველი ორგანოების ახალი შემადგენლობა, არამედ უნდა გამართოს დისკუსია იმის შესახებ, თუ რა უნდა შევცვალოთ, რომ დავამარცხოთ რუსი ოლიგარქი. უნდა გაიზარდოს რეგიონული ლიდერების, აქტივისტებისა და მხარდამჭერების როლი პარტიის მმართველობაში. მით უფრო იმ ფონზე, როდესაც ნაციონალური მოძრაობის წევრებსდა მომხრეებს შორის გაჩნდა ძლიერი მოთხოვნილება, რათა მონაწილეობა მიიღონ ყრილობაში და პარტიის სამომავლო ბედის განსაზღვრაში. ყრილობა უნდა იყოს იმის ნიშანი, რომ ნაციონალური მოძრაობა არის საზოგადოების მაქსიმალურად ბევრი ფენისა და ინტერესისგამომხატველი ერთობა,მიზიდულობის რეალური ცენტრი, სადაც განსხვავებული ადამიანები საკუთარ ადგილს დაინახავენსაერთო მიზნისთვის ბრძოლაში. ასევე წარმოგიდგენთ ჩვენს ხედვას ენმ-ის ახალი თავმჯდომარის არჩევის საკითხთან დაკავშირებით: ახალი თავმჯდომარის არჩევა იქნება დეკლარაცია, რომ ნაციონალური მოძრაობა თავს აღარ მიიჩნევს რეპრესირებულ პარტიადდა რომ ჩვენი პოლიტპატიმრები და პოლიტდევნილები აღარ წამოადგენენ დაპირისპირების საგანს ოლიგარქთან. ეს იქნება დეკლარაცია, რომ პარტია ემიჯნება მიხეილ სააკაშვილს, რაც აუნაზღაურებელ ელექტორალურ ზიანს მიაყენებს ჩვენს ბრძოლას. ამ ნაბიჯის სასარგებლოდ არ არსებობს არცერთი პრაგმატული არგუმენტი. პარტიიდან მისი დამფუძნებლისა და მთავარი საარჩევნო კაპიტალის, მიხეილ სააკაშვილის დისტანცირების მცდელობა პოლიტიკური თვითმკვლელობის ტოლფასია.

ამასთან, საზოგადოებას შევახსენებთ, რომ:

1. პოლიტსაბჭოს 2015 წლის 5 დეკემბრის გადაწყვეტილების თანახმად, პარტიის თავმჯდომარის პოსტი ვაკანტურია, ხოლო ის გარემოებები, რომელთა გამოპოსტი ვაკანტურია, არ შეცვლილა.
2. ნაციონალური მოძრაობის წესდების მიხედვით პარტიის თავმჯდომარეს აქვს დიდწილად ცერემონიული უფლებამოსილებები. შესაბამისად, ამ პოსტის ვაკანტურობა პარტიის ეფექტურობას არაფერში უშლის ხელს.
3. თავმჯდომარის პოსტის ვაკანტურობა რომ შემაფერხებელი ფაქტორი ყოფილიყო, მაშინ ეს თავიდანვე - ან, როგორც მინიმუმ, არჩევნებამდე - უნდა თქმულიყო, რაც არ გაკეთებულა.
4. პარტიის წესდების მიხედვით, პარტიის თავმჯდომარეს და პოლიტსაბჭოს თავმჯდომარეს აქვთ იდენტური უფლებამოსილებები. შესაბამისად, ყველაფერი, რისი გაკეთებაც გვინდა, შესაძლოა გაკეთებულ იქნას პოლიტსაბჭოს თავმჯდომარის მიერ.
5. პარტიის ახალი თავმჯდომარის არჩევით,ნაციონალური მოძრაობა დე იურე აღიარებს პოლიტიკური დევნის შედეგებს, რაც უაღრესად დამაზიანებელი იქნება პარტიისთვის და უარყოფით გავლენას მოახდენს პოლიტიკური რეპრესიების მსხვერპლთა შემდგომ სამართლებრივ დაცვაზე. მძიმე გამოწვევები, რომლებიც 8 ოქტომბრის არჩევნებზე გამოვლინდა, დროსთან ერთად, მხოლოდ გაღრმავდება. ნათელია, რომ ივანიშვილი აგრძელებს ძალაუფლების მონოპოლიზებას, ინსტიტუტების გაუქმებასა და ტოტალიტარული, ოჯახურ-კლანური ვერტიკალის გამყარებას.
ამ სიტუაციაში, როგორც არასდროს,მნიშვნელოვანია, ღიად განვაცხადოთ: რომ ვართ ყველა მხარდამჭერის ხედვებისა და მისწრაფებების ამსახველი ფართო,დემოკრატიული ერთობა. მომავალი ყრილობა განსაზღვრავს, დავუბრუნდებით თუ არა საწყისებს და ისევ გავხდებით თუ არა საერთო-სახალხო მოძრაობა, რომელიც გახსნილი იქნება უკლებლივ ყველასთვის, ვისაც მიაჩნია, რომ დღეს საქართველოს მთავარი პრობლემა რუსული ოკუპაცია და ივანიშვილია.
ძალა ერთობაშია, საქართველო გაიმარჯვებს!“,-ნათქვამია განცხადებაში.
დოკუმენტს ხელს ერთიანი ნაციონალური მოძრაობის პოლოტიკური საბჭოს წევრები:ზაზა ბიბილაშვილი, ლევან ვარშალომიძე, ლევან ბეჟაშვილი, ნინო კალანდაძე, აკაკი მინაშვილი, ხათუნა ოჩიაური, ზურაბ მელიქიშვილი, ეკატერინე ხერხეულიძე, ჩიორა თაქთაქიშვილი, ნუგზარ წიკლაური, პაატა ლეჟავა, კახა ბუცხრიკიძე, ირაკლი ქავთარაძე, ირაკლი ნადირაძე, გიორგი კარბელაშვილი, ომარ მეგრელიძე, გიორგი პატარაია, გოჩა კუპრავა, კობა ხაბაზი, გოჩა ლემონჯავა, მარიამ საჯაია და კობა სუბელიანი აწერენ.

მონიკა დავლიანიძე

ბრატისლავაში ევროკავშირის ასოცირებული პარტნიორების ერთობლივ განცხადებას მოეწერა ხელი

5 დეკემბერი, 2019 , 14:40

სლოვაკეთში, ბრატისლავაში „აღმოსავლეთ პარტნიორობის“ ასოცირებული ქვეყნების საგარეო საქმეთა მინისტრებმა ევროკავშირთან სამი ასოცირებული ქვეყნის (საქართველო, უკრაინა, მოლდოვა) ევროპული ინტეგრაციის შესახებ ერთობლივ

ცალკეული პოლიტიკოსების ვიზიტები ოკუპანტი ქვეყნის ხელისუფლებასთან ზიანს აყენებს ქვეყანას და ემსახურება ბიძინა ივანიშვილისა და რუსეთის ინტერესს - მოძრაობა `ქვეყნის სამსახურში` (`სირცხვილია`)

5 დეკემბერი, 2019 , 11:20

ცალკეული პოლიტიკოსების ვიზიტები რუსეთში ოკუპანტი ქვეყნის ხელისუფლებასთან კონფიდენციალური მოლაპარაკებებისთვის ზიანს აყენებს ქვეყანას, პროპორციული არჩევნების მოთხოვნის გარშემო გაერთიანებული საზოგადოებისა და პოლიტიკური ძალე

დავით ზალკალიანი ეუთო-ს მინისტერიალში მიიღებს მონაწილეობას

4 დეკემბერი, 2019 , 17:45

4-6 დეკემბერს, საქართველოს საგარეო საქმეთა მინისტრი დავით ზალკალიანი ვიზიტით ბრატისლავას ეწვევა, სადაც მონაწილეობას მიიღებს ეუთოს 26-ე საგარეო საქმეთა მინისტრთა საბჭოს სესიაში. ამის შესახებ „მედიანიუსს“ საგარ

`დააყადაღონ მათ ბანკებში არსებული ბიძინა ივანიშვილის ანგარიშები და და აიძულონ დიქტატორს დათმოს ძალაუფლება`

4 დეკემბერი, 2019 , 17:05

,,ჩვენს ქვეყანაში მოვლენები უაღესად საშიში სცენარით ვითარდება. დიქტატორად გადაქცეული ოლიგარქი ამზადებს ომს, საკუთარ ხალხთან,”- ამის შესახებ ლეიბორისტული პარტიის თავმჯდომარემ შალვა ნათელაშვილმა განაცხადა. შალვა ნათე

საარჩევნო სისტემის ცვლილებასთან დაკავშირებით პარლამენტში ახალი კანონპროექტი დარეგისტრირდა

4 დეკემბერი, 2019 , 16:10

ოპოზიციამ საარჩევნო სისტემის ცვლილებასთან დაკავშირებით პარლამენტში ახალი კანონპროექტი დაარეგისტრირა. მათი განცხადებით, 30 ოპოზიციური ძალის ავტორობით შექმნილი კანონპროექტი გულისხმობს, რომ 2020 წლის საპარლამენტო არჩევნები

ყველა სამართლებრივ მექანიზმს მივმართავთ, რომ ქვეყანა ჩიხიდან გამოვიდეს - „ახალი საქართველოს“ წევრი

4 დეკემბერი, 2019 , 14:55

„ახალი საქართველოს“ პოლიტსაბჭოს წევრის, ანა კობახიძის შეფასებით, OSCE/ODIHR - ის დასკვნა მმართველ პარტიას საარჩევნო სისტემაში ცვლილებების განხორციელებას აიძულებს. როგორც „ახალი საქართველოს“ მიერ გ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`