უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
პოლიტიკა
ნიკა მელიას ეს არჩევნები ნუ ეშლება „ნაციონალური მოძრაობის“ მიერ ჩატარებულ არჩევნებში, როცა გაყალბება ხდებოდა - დავით მათიკაშვილი
„ნიკა მელიას 2018 წელს ჩატარებული არჩევნები მათი ხელისუფლების პირობებში ჩატარებულ არჩევნებში ეშლება, როდესაც გაყალბება ხდებოდა“,- ასე გამოეხმაურა საპარლამენტო უმრავლესობის წევრმა დავით მათიკაშვილმა „ნაციონალური მოძრაობის“ ერთ-ერთი ლიდერის ნიკა მელიას განცხადებას. მათიკაშვილის თქმით, როგორ ჩაიარა არჩევნებმა, ამაზე საერთაშორისო დამკვირვებლები საუბრობენ, ხელისუფლება კი ცდილობს არსებული ხარვეზების გამოსწორებას.
„ნიკა მელიას ეს არჩევნები ნუ ეშლება „ნაციონალური მოძრაობის“ მიერ ჩატარებულ არჩევნებში. ძალიან კარგად ახსოვს საზოგადოებას, რა იყო გაყალბება და როგორ იყო. ჩვენ მოვისმინეთ საერთაშორისო დამკვირვებლების შესაბამისი შეფასებები, ვიცით დარღვევები, რომლებიც არსებობს და ეს არსებობდა 90–იანი წლებიდან ყველა არჩევნებთან მიმართებაში. იმაზეც ვისაუბრეთ, რომ ვართ ღია და გახსნილი იმისთვის, რომ თუკი რაიმე დარღვევა არსებობდა, საკანონმდებლო დონეზე მოხდეს ამ ყველაფრის რეგულაცია. „ნაციონალურ მოძრაობასა“ და ნიკა მელიას ვთხოვ, კარგად გაიხსენონ მათ მიერ ჩატარებული არჩევნები, აქ როგორც ცა და დედამიწა ისეთი განსხვავებაა დემოკრატიულ ღირებულებებსა და ხარისხს შორის. ნიკა მელიასგან როგორ შეიძლება, რამე დაიჯეროს საზოგადოებამ, მგონია, რომ ტყუილისა და დესტრუქციის მეტი არაფერი არ მომდინარეობს ამ ძალისგან“, - განაცხადა საპარლამენტო უმრავლესობის წევრმა.