უკან

უახლესი ამბები

დღის კალენდარი

ანონსები

არქივი

საზოგადოება

19 ივნისი, 2017 11:40
font-size

ნოტარიუსთა პალატის თავმჯდომარედ მარიკა გოგოლაძე აირჩიეს

იუსტიციის მინისტრის ინიციატივით, ნოტარიუსთა პალატას მეორედ მიეცა თავმჯდომარის დამოუკიდებლად არჩევის შესაძლებლობა. მიუხედავად იმისა, რომ „ნოტარიატის შესახებ“ კანონი თავმჯდომარის კანდიდატურის შერჩევისა და ნოტარიუსთა საერთო კრებისათვის მისი წარდგენის ერთპიროვნულ უფლებას იუსტიციის მინისტრს აძლევს, ისევე, როგორც 2014 წელს, თეა წულუკიანმა უარი თქვა კანდიდატურის ერთპიროვნულად დასახელებაზე და შესაძლებლობა მისცა ნოტარიუსებს, გამგეობის თავმჯდომარე დამოუკიდებლად აერჩიათ. ელექტრონული პრაიმერისის შედეგად პალატის თავმჯდომარის პოსტზე ნოტარიუსებმა მარიკა გოგოლაძის კანდიდატურას მიანიჭეს უპირატესობა. სწორედ ის წარუდგინა კრებას დასამტკიცებლად იუსტიციის მინისტრმა.

საკუთარი კანდიდატურის წამოყენება ყველა ნოტარიუსს შეეძლო, ვინც უწყების განვითარების საკუთარ ხედვას წარადგენდა და კოლეგების მხარდაჭერის მოპოვებას შეძლებდა. თავმჯდომარეობის სურვილი 7-მა კანდიდატმა გამოთქვა. მათგან საუკეთესო ნოტარიუსებმა ხმის მიცემის ელექტრონული სისტემით გამოავლინეს, რომელიც სსიპ „მონაცემთა გაცვლის სააგენტომ“ სპეციალურად ნოტარიუსთა პალატის თავმჯდომარის არჩევნებისათვის შეიმუშავა.

საერთო კრებაზე ნოტარიუსებმა თავმჯდომარის მოადგილე და გამგეობის წევრებიც აირჩიეს.

თავმჯდომარის მოადგილის პოსტი თინათინ დევდარიანმა დაიკავა, გამგეობის 5 წევრიდან დღეს მხოლოდ ორი − გიორგი ჭიტაშვილი და მანანა გოგაშვილი − აირჩიეს, ვაკანტურად დარჩენილ სამ ადგილზე 2 კვირაში განმეორებითი არჩევნები გაიმართება.

თავმჯდომარის ელექტრონული არჩევნების გარდა, ნოტარიუსთა პალატაში იუსტიციის მინისტრის მიერ ინიცირებული რეფორმის ფარგლებში კიდევ არაერთი ცვლილება გატარდა, კერძოდ:

ამოქმედდა დავის მოგვარების ალტერნატიული და თანამედროვე გზა − სანოტარო მედიაცია;

შეიქმნა სასამართლოს მიერ მხარდაჭერის მიმღებად აღიარებულ პირთა მუდმივად განახლებადი ელექტრონული ბაზა; დაინერგა სერვისი „ონლაინ კონსულტაცია ნოტარიუსთან“;

განხორციელდა ნოტარიუსთა პალატის რებრენდინგი, დაიწყო სარეკლამო კამპანია „მე ვენდობი ნოტარიუსს“;

დაიწყო სანოტარო მომსახურება საზოგადოებრივ ცენტრებში სოფლად;

ყოველი ახალდანიშნული ნოტარიუსი ვალდებული გახდა, პირველი 3 წელი იმსახუროს მთიან ან ისეთ რეგიონში, სადაც სანოტარო მომსახურება სათანადოდ ხელმისაწვდომი არ არის. რეფორმების შედეგად სანოტარო მომსახურება გაჩნდა იქ, სადაც არასოდეს ან ხანგრძლივი პერიოდის განმავლობაში არ არსებობდა;

სანოტარო მომსახურების გასაუმჯობესებლად სანოტარო ბიუროებში მოქალაქეთა მომსახურების მონიტორინგისთვის „მისტიური მომხმარებლის“ პროგრამა დაიწყო;

დაიხვეწა და გამკაცრდა სანოტარო საქმიანობისას დისციპლინური პასუხისმგებლობის საკითხი.

ნატო-ს დღეების ფარგლებში მიხეილ ჯანელიძემ სტუდენტებთან შეხვედრა გამართა

20 აპრილი, 2018 , 17:25

ნატო-ს დღეების ფარგლებში, საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ თბილისის სხვადასხვა უნივერსიტეტების სტუდენტებთან შეხვედრა გამართა. მიხეილ ჯანელიძემ საქართველოს ევროატლანტიკური ინტეგრაციის

„აამუშავე აგარა“ - აგარას საწარმოს თანამშრომლები და მათი მხარდამჭერები მთავრობის ადმინისტრაციასთან აქციას მართავენ

20 აპრილი, 2018 , 16:35

„აგარას შაქრის“ თანამშრომლები მხარდამაჭერებთან ერთად მთავრობის ადმინისტრაციასთან აქციას „აამუშავე აგარა“ მართავენ. შეკრებილები აცხადებენ, რომ იქამდე არ დაიშლებიან, სანამ პასუხს არ მიიღებენ. დემონს

#სანდოთანამგზავრის ფარგლებში კიდევ ერთი ტესტირება გაიმართება

20 აპრილი, 2018 , 16:35

დარეგისტრირებული მოსწავლეები გამოსაშვები გამოცდების სრულ იმიტაციას 22 აპრილს გაივლიან. მოსწავლეები მათთვის სასურველ ორ საგნს ირჩევენ. ტესტირება საგამოცდო სისტემით ტარდება. ტესტირებისას გამოყენებული იქნება ახალი, სპეციალუ

სახალხო დამცველმა ბავშვის მიმართ ძალადობისა და ბულინგის ამსახველი ვიდეოს შესწავლა დაიწყო

20 აპრილი, 2018 , 16:10

საქართველოს სახალხო დამცველი ნინო ლომჯარია გამოეხმაურა სოციალურ ქსელში გავრცლელებულ ვიდეოს, რომელშიც არასრულწლოვნის მიმართ ძალადობისა და ბულინგის ფაქტი იკვეთება. ვიდეო არასრულწლოვნებმა ატვირთეს. „კადრებში ნათლად ჩა

მთავრობაში პლასტიკის პარკების გამოყენების შემცირების მიმართულებით ახალი ინიციატივა შევა

20 აპრილი, 2018 , 15:35

გარემოს დაცვისა და სოფლის მეურნეობის სამინისტრომ შეიმუშავა ახალი ინიციატივა პლასტიკის პარკების გამოყენების შემცირების მიმართულებით და ასევე, გარემოს დაბინძურების პრევენციის კუთხით. შესაბამისი განცხადება ჟურნალისტებთან გა

კომუნიკაციების ეროვნული კომისიის პასუხი „ნტვ-პლუსის“ ავტორიზაციის შესახებ საია-ს განცხადებაზე

20 აპრილი, 2018 , 15:35

საქართველოს კომუნიკაციების ეროვნული კომისია გამოეხმაურა „საქართველოს ახალგაზრდა იურისტთა ასოციაციის“ განცხადებას, რომლის თანახმად კომისია არ იყო უფლებამოსილი, „ნტვ-პლუსისთვის“ ავტორიზაციის გავლის

ვიდეო გალერეა

ინტერვიუ ვანიჩკასთან - ნატო ჩხეიძე