საზოგადოება

ნოტარიუსთა საკვალიფიკაციო გამოცდისათვის რეგისტრაცია გრძელდება

იუსტიციის სასწავლო ცენტრი ნოტარიუსთა საკვალიფიკაციო გამოცდაზე რეგისტრაციას აგრძელებს. შესაბამისი დოკუმენტაციის წარდგენა ნოტარიუსობის მსურველებს 27 აპრილის ჩათვლით შეუძლიათ.

ნოტარიუსთა საკვალიფიკაციო გამოცდა ორ ეტაპად ჩატარდება. პირველ ეტაპზე მსურველები ზოგადი უნარ-ჩვევების ტესტს ჩააბარებენ, მეორე ეტაპზე კი ისინი პროფესიულ ტესტირებას გაივლიან.

გამოცდებზე რეგისტრაციისათვის დაინტერესებულმა პირებმა მისამართზე - trainingcenter@tcj.gov.ge - ელექტრონულად უნდა წარმოადგინონ შემდეგი საბუთები: უმაღლესი იურიდიული განათლების დამადასტურებელი დოკუმენტის – დიპლომის ასლი; CV; პირადობის დამადასტურებელი დოკუმენტის ასლი; ფერადი ფოტოსურათი 3/4-ზე; გამოცდაში მონაწილეობისათვის კანონით დადგენილი საფასურის გადახდის დამადასტურებელი ქვითარი. დამატებითი ინფორმაციის ნახვა შესაძლებელია იუსტიციის სასწავლო ცენტრის ვებგვერდზე http://tcj.gov.ge/ka/news/436/

ნოტარიუსთა საკვალიფიკაციო გამოცდა საქართველოს იუსტიციის მინისტრის 2018 წლის 31 მარტის №68 ბრძანებით, მიმდინარე წლის 3 მაისს დაინიშნა.