საზოგადოება

„ნუ მოკლავ - აღასრულე სამართალი“ - ხორავას ქუცაზე მოკლული არასრულწლოვნის მამა მოზარდებთან ერთად აქციას მართავს

საქალაქო სასამართლოს ეზოში, ხორავას ქუჩაზე მოზარდების მკვლელობის საქმის სასამართლო სხდომის პარალელურად საპროტესტო აქცია „ნუ მოკლავ - აღასრულე სამართალი“ მიმდინარეობს.

ხორავას ქუჩაზე მოკლული მოზარდის, დავით სარალიძის მამა, ზაზა სარალიძე მოზარდებთან ერთად აქციას მართავს.

ზაზა სარალიძის განცხადებით, საქმეზე მიმდინარე გამოძიება არასრულყოფილია და პროკურატურა მოწმეებზე ზეწოლას ახდენს. მისი თქმით, სისხლის სამართლის პასუხისგებაში უნდა მისცენ კონფლიქტში მონაწილე სხვა მოზარდებიც.

რაც შეეხება სასამართლო განხილვას, დღეს იკითხებიან ბრალდების მხარის 5 მოწმე, აქედან 4 შემთხვევის თვითმხილველი, ხოლო ერთი კონფლიქტის მონაწილე პირია.

ცნობისთვის, ხორავას ქუჩაზე ორი მოზარდი 2017 წლის 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი, ექიმების მცდელობისა და რამდენიმე ოპერაციის ჩატარების მიუხედავად, მომდევნო დღეს საავადმყოფოში დაიღუპა.