უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
სამართალი
ომბუდსმენი - ,, კრწანისის“ ბაზაზე მომხდარ ინციდენტზე: ამ ეტაპზე რაიმე კითხვის ნიშნები არ მიჩნდება
სახალხო დამცველის აპარატმა კრწანისის ეროვნულ საწვრთნელ ბაზაზე მომხდარი ინციდენტის შესწავლა დაიწყო. ამის შესახებ ჟურნალისტებს უჩა ნანუაშვილმა განუცხადა და აღნიშნა, აპარატის წევრები გაესაუბრნენ გუშაგს, რომელმაც გასროლა განახორციელა და მომხდარში ადამიანის უფლების დარღვევის ნიშნები არ იკვეთება.
უჩა ნანუაშვილის თქმით, ამ ეტაპზე, სახალხო დამცველის აპარატს გამოძიებასთან კითხვები არ აქვს.
,,საკუთარი ინიციატივით დავიწყეთ აღნიშნული საქმის შესწავლა. ჩვენი წარმომადგენლები გუშინ იმყოფებოდნენ ადგილზე, გაესაუბრნენ სავარაუდო მოწმეებს, მათ შორის იმ პირს, ვინც უშუალოდ მონაწილეობდა ამ ინციდენტში. ადამიანის უფლების დარღვევის კუთხით, მე ვერ ვფიქრობ, რომ ჯერ რაიმე გამოკვეთილი არის. უნდა დაველოდოთ გამოძიებას. მე ამ ეტაპზე რაიმე კითხვის ნიშნები არ მიჩნდება. საზოგადოებას, რა თქმა უნდა, უნდა მიეწოდოს დეტალური ინფორმაცია, მაგრამ მთლიანობაში, ჩვენ დავინახეთ, რომ შეიძლება გარკვეული საკითხი მართლაც იყო პრობლემური - ის, რომ ის ადამიანები იყვნენ გადასული სამხედრო ნაწილის ტერიტორიაზე ამას ადასტურებენ. იყო თუ არა ყველა პროცედურა დაცული, ამას ჩვენ შევისწავლით. ჩვენ ჯერჯერობით კითხვის ნიშნები არ გაგვაჩნია, მაგრამ ვიმეორებ, რომ ჩვენ მივადევნებთ თვალს გამოძიების წარმართვას“, - განაცხადა უჩა მანუაშვილმა.
თავდაცვის სამინსიტროს განცხადებით, წვრთნებისა და სამხედრო განათლების სარდლობის მხარდამჭერ ცენტრ კრწანისის ტერიტორიაზე სამი პირი 23 ოქტომბერს, გამთენიისას შეიჭრა. მათგან ერთი, 23 წლის გიგა შენგელია ადგილზე იქნა ლიკვიდირებული, ორი პირი კი მიიმალა. მათი ვინაობა ჯერ დაუდგენელია.
მომხდარზე გამოძიება სსკ-ის 116-ე მუხლის I ნაწილით მიმდინარეობს.
მარი ნამგალაძე