კომენტარი

ოპონენტებთან თანამშრომლობას კონსტრუქციულ რეჟიმში ვაპირებთ - ვანო შაქარიშვილი

„ქართული ოცნების“ საბურთალოს რაიონის საკრებულოს მაჟორიტარობის კანდიდატის ვანო შაქარიშვილის განცხადებით, „ქართული ოცნება“ საკრებულოში ოპონენტებთან კონსტრუქციულ რეჟიმში თანამშორმლობას გეგმავს.

როგორც შაქარიშვილმა ჟურნალისტებს განუცხადა, თბილისის საკრებულო შვიდ ძირითად მიმართულებაზე იმუშავებს.

„ვაპირებთ კონსტრუქციულ რეჟიმში ოპონენტებთან თანამშრომლობას. მათგან ამ მზაობის შემთხვევაში, მე პირადად და მთელი გუნდი ვაპირებთ თანამშრომლობას. ღია ვართ ინიციატივებისთვის, საკითხებისთვის, შენიშვნებისთვის, რაც მთავარია. ჩვენ წინასაარჩევნო პერიოდის განმავლობაში ვისაუბრეთ იმ ძირითად შვიდ პოლიტიკაზე, შვიდ მიმართულებაზე, რომლის განხორციელებასაც საკრებულოს თანამონაწილეობით, დედაქალაქის ახალი მერია აპირებს,“-განაცხადა შაქარიშვილმა.

„ქართული ოცნება“ თბილისის საკრებულოს თავმჯდომარის თანამდებობაზე გიორგი ტყემალაძეს წარადგენს.

მონიკა დავლიანიძე