კომენტარი

ოთხოზორიასა და ტატუნაშვილის საქმეს უნდა მიხედოს საქართველოს სახელმწიფომ - თორნიკე შარაშენიძე

ექსპერტი საერთაშორისო ურთიერთობების საკითხებში თორნიკე შარაშენიძე სოციალური ქსელის მეშვეობით არჩილ ტატუნაშვილისა და გიგა ოთხოზორიას მკვლელობის საკითხებს ეხმაურება.

„რუსეთთან დიალოგის დალაგება კარგი საქმე იყო. მაგრამ რა აუცილებელი იყო ამის პარალელურად ჩვენი სპეცსამსახურების საქმიანობის ჩაკვლა ოკუპირებულ ტერიტორიებზე?

განა საკმარისი არ იყო რუსული ტელეარხების ხელახალი ჩართვა და რუსი შპიონების ტაშ-ფანდურით გამოშვება?

ოთხოზორიასა და ტატუნაშვილის საქმეს ვერ უშველიან ევროპარლამენტარები. ვერც ამერიკის სახელმწიფო დეპარტამენტი უშველის.

ამას უნდა მიხედოს საქართველოს სახელმწიფომ რომელსაც სპეცსამსახურები მხოლოდ იმიტომ არ ჰყავს რომ ოპოზიციას უთვალთვალოს. ეს არ უნდა ხდებოდეს თუკი დემოკრატიულობაზე აქვს ქვეყანას პრეტენზია. ეს არ უნდა ხდებოდეს როცა ქვეყნის ნაწილი ოკუპირებულია.

მიხედეთ საქმეს სანამ ჯერ კიდევ არის დრო. ის ქრონიკულად მთვრალი მინისტრი კი გადამალეთ მაინც“, - წერს თორნიკე შარაშენიძე ფეისბუქის პირად გვერდზე.