პოლიტიკა

პარლამენტარებმა „საგზაო მოძრაობის შესახებ“ კანონი ერთხმად დაამტკიცეს

საქართველოს პარლამენტმა მესამე მოსმენით დაამტკიცა კანონი „საგზაო მოძრაობის შესახებ“. კენჭისყრის მიხედვით, 89 დეპუტატმა კანონს ერთხმად დაუჭირა მხარი.

მიღებული კანონპროექტით შემოდის მართვის 100-ქულიანი სისტემა. ყოველი საგზაო დარღვევა ამ ქულების შემცირებას გამოიწვევს. თუკი მძღოლს ქულები ამოეწურება, ის იძულებელი იქნება, ხელახლა ჩააბაროს მართვის გამოცდა, ან ერთი წელი დაელოდოს, სანამ მისი მოწმობა ავტომატურად აღდგება. ნასვამ მდგომარეობაში ტარებისთვის მძღოლს ავტომატურად ჩამოერთმევა მართვის მოწმობა.

მუშაობას დაიწყებს ასევე უკონტაქტო პატრულიც, რომელიც მძღოლს ჯარიმის შესახებ ინფორმაციას სახლში გაუგზავნის.

კანონპროექტი ძალაში 1 ივლისიდან შევა.

ანა მებურიშვილი