პოლიტიკა

პარლამენტის შენობაში წყალი ჩამოდის - ირაკლი კობახიძე

ქუთაისში, პარლამენტის შენობაში წყალი ჩამოდის. შესაბამისად, საჭიროა მისი დაუყოვნებლივ რეაბილიტაცია, - განუცხადა ჟურნალისტებს პარლამენტის თავმჯდომარემ, ირაკლი კობახიძემ.

"თქვენ ყველა ხედავთ, რა მდგომარეობაშია ქუთაისის შენობა, რა მდგომარეობაშია მისი მიმდებარე ტერიტორია. ნამდვილად არ არის სახარბიელო ვითარება. სამწუხაროდ, შენობაში წყალი ჩამოდის, შესაბამისად, საჭიროა შენობის დაუყოვნებლივ რეაბილიტაცია, მათ შორის, გადახურვის - შუშის კონსტრუქციის რეაბილიტაცია. ძალიან მნიშვნელოვანია ასევე მიმდებარე ტერიტორიის კეთილმოწყობა. ეს უნდა გაკეთდეს არა მხოლოდ პარლამენტისთვის, ეს პარკი მოემსახურება ქუთაისის მოსახლეობას", - განაცხადა კობახიძემ.

მისივე ინფორმაციით, რეაბილიტაციას საჭიროებს თბილისში მდებარე პარლამენტის შენობის ერთ-ერთი ფლიგელი.

"იქ მოეწყობა ახალი სივრცეები, მათ შორის საკონფერენციო. სხვადასხვა ტიპის საქმიანობა შეიძლება იქ განხორციელდეს", - აღნიშნა კობახიძემ.