პოლიტიკა

პატივს ვცემთ პრეზიდენტის ინსტიტუტს და ვაფასებთ პრეზიდენტის მნიშვნელოვან როლს - იან კელი

აშშ-ის ელჩმა საქართველოში იან კელიმ განაცხადა, რომ შესაძლო საკონსტიტუციო ცვლილებებით უნდა შენარჩუნდეს ბალანსი მთავრობის სხვადასხვა ინსტიტუტს შორის.

„ყურადღებით ვაკვირდებით ბოლო დროს განვითარებულ პროცესებს, რომელიც მთავრობასა და პარლამენტში წამოიწყო კონსტიტუციის შესაძლო ცვლილებასთან დაკავშირებით. ვფიქრობ, რომ ეს ყოვლისმომცველი პროცესია, პატივს ვცემთ პრეზიდენტის ინსტიტუტს და ვაფასებთ პრეზიდენტის მნიშვნელოვან როლს. ვფიქრობ, უნდა იყოს შენარჩუნებული ბალანსი მთავრობის სხვადასხვა ინსტიტუტს შორის. ეს ბუნებრივია დემოკრატიულ საზოგადოებაში, როცა პროცესი ღიად და გამჭვირვალედ მიმდინარეობს, ეს მხოლოდ მისასალმებელია“,- თქვა კელიმ ჟურნალისტებთან საუბრისას.

ანა მებურიშვილი