უახლესი ამბები
- 08.05.2024 18:16არ შეიძლება `ქართული ოცნება` იდგეს ამ ზარების უკან, გამორიცხულია, შეურაცხყოფაა - გია ვოლსკი
- 08.05.2024 16:44ხელისუფლებას ისეთი ტემპი აქვს აკრეფილი საკუთარი თავის დასრულების ამ შემოდგომაზე, ერთადერთი იმაზე ვნერვიულობ, შემოდგომამდე მშვიდად მივიდეთ - იაგო ხვიჩია
- 08.05.2024 16:34ასე გამოიყურება ავტორიტარიზმი, სირცხვილი „ქართულ ოცნებას“ - მირიამ ლექსმანი
- 08.05.2024 14:59არა რუსულ კანონს! - 11 მაისს, 16:00 საათზე, თბილისში მშობლების მარში გაიმართება
- 08.05.2024 14:53საზოგადოებამ მორალურად უნდა შეაფასოს ადამიანები, რომლებიც ჩართული არიან, მათ შორის ფაშისტური ხასიათის კამპანიებში, როცა ადამიანებზე მიმდინარეობს მორალური ტერორი, ბულინგი - შალვა პაპუაშვილი
არქივი
სამართალი
,,პატრიოტთა ალიანსი’’ საკონსტიტუციო სასამართლოს საკუთარი სარჩელის დაჩქარებული წესით განხილვას სთხოვს
საკონსტიტუციო სასამართლომ წარმოებაში მიიღო ,,პატრიოტთა ალიანსის’’ სარჩელი პარლამენტის წინააღმდეგ.
,,პატრიოტთა ალიანსში’’ მიიჩნევენ, რომ პარლამენტში მანდატების გადანაწილების მოქმედი პრინციპი ანტიკონსტიტუციურია.
ისინი პარლამენტს მიღმა დარჩენილი პარტიების 17 მანდატის თანაბრად გადანაწილებას ითხოვენ.
საკონსტიტუციო სასამართლოს სარჩელის განხილვისთვის 6-თვიანი ვადა აქვს, თუმცა ,,პატრიოტთა ალიანსის’’ ლიდერი ირმა ინაშვილი მართლმსაჯულების ორგანოს საქმის დაჩქარებული წესით განხილვას სთხოვს.
,,გვინდა, მივმართოთ საკონსტიტუციო სასამართლოს და მოვუწოდოთ იმისკენ, რომ ამ საქმის განხილვა მოხდეს ამ დღეებში, დაჩქარებული წესით, იმიტომ, რომ იკრიბება პარლამენტის პირველი სხდომა და ძალიან მნიშვნელოვანია, რა გადაწყვეტილებას გამოიტანს საკონსტიტუციო სასამართლო. საქმე ეხება მნიშვნელოვან საკითხს; ,,პატრიოტთა ალიანსის’’ 4 დეპუტატს არ აქვს საშუალება ამ არასწორი, არამართებული, მახინჯი კანონმდებლობის გამო, რომ მიიღოს სადეპუტატო უფლებამოსილება’’, - აცხადებს ირმა ინაშვილი.
ნინო ექვთიმიშვილი