პოლიტიკა

,,პატრიოტთა ალიანსის“ წარმომადგენლები მოსკოვში მორიგ ვიზიტს ოქტომბრის დასაწყისში გამართავენ

„პატრიოტთა ალიანსის“ წარმომადგენლები მოსკოვში მორიგ ვიზიტს ოქტომბრის დასაწყისში გეგმავენ.

შესაბამისი ინფორმაცია ჟურნალისტებს „პატრიოტთა ალიანსის“ ერთ-ერთმა ლიდერმა ადა მარშანიამ მიაწოდა.

მისი თქმით, შეხვედრები გაიმართება რუსეთის ხელისუფლების წარმომადგენლებთან, მათ შორის სახელმწიფო დუმის წევრებთან.

ადა მარსანიას განცხადებით, შეხვედრებზე საუბრის ძირითადი თემა აფხაზეთისა და ცხინვალის რეგიონი იქნება.

ვიზიტთან დაკავშირებით კომენტარი ირმა ინაშვილმაც გააკეთა.

"კონკრეტულ თემებზე ამ ეტაპზე ვერ ვისაუბრებ, თუმცა იქნება შეხვედრები რუს დეპუტატებთან. ჩვენ ვიმოქმედებთ პრინციპულად. საქართველომ იცხოვრა ბოკერიასა და სააკაშვილის დიალოგის ქვეშ, რომ პირდაპირი დიალოგი არის ქვეყნის ღალატის ტოლფასი. ქვეყნის მოღალატე ის არის, ვინც ხელს უშლის პირდაპირ დიალოგს აფხაზეთთან, ოსეთთან, რუსეთთან",- განაცხადა ინაშვილმა.