პოლიტიკა

პატრიოტთა ალიანსის წევრები რუსეთის სათათბიროს დეპუტატებს შეხვდნენ

პატრიოტთა ალიანსის წევრებმა რუსეთის სათათბიროს დეპუტატებთან მორიგი შეხვედრა გამართეს.

შეხვედრას ოფიციალური მოსკოვის მხრიდან პუტინის პარტია ,,ედინაია რასიას“ წევრი არტიონ კავინოვი, რუსეთის სახელმწიფო დუმის დსთ-ს ქვეყნების კომიტეტის თავმჯდომარე, ლეონიდ კალაშნიკოვი და ევრაზიული ინტეგრაციის კომიტეტის აპარატის ხელმძღვანელი მიხაილ კროტოვი ესწრებოდნენ.

პატრიოტთა ალიანსის წევრის, ადა მარშანიას ინფორმაციით, შეხვედრის მთავარი თემა რუსეთის მიერ საქართველოს ტერიტორიების ოკუპაციაა. ასევე, მხარეებმა მოლაპარაკებების ახალი ფორმატის, საქართველო-ნატო-რუსეთის ამოქმედების შესახებ ისაუბრეს.

,,რუსეთის სახელმწიფო სათათბიროს დეპუტატებთან რასაკვირველია, დღის წესრიგში ყოველთვის იქნება ჩვენი ქვეყნის გამთლიანების საკითხი, ყოველთვის დღის წესრიგში იქნება სოხუმი და ცხინვალი“, - განაცხადა პატრიოტთა ალიანსის წევრმა, ადა მარშანიამ.

ქართველი კანონმდებლები რუსეთის დედაქალაქში 5 დღის განმავლობაში დარჩებიან.

შეგახსენებთ, რომ ეს მოსკოვში საქართველოს პარლამენტის ფრაქცია ,,საქართველოს პატრიოტების“ წევრების რიგით მეორე ვიზიტია.