საზოგადოება

პირბადე თუ უკეთია ადამიანს, ინფიცირებულიდან დაავადების გადადების შანსი 1%-ზე დაბალია - ამირან გამყრელიძე

პირბადე თუ უკეთია ადამიანს, ინფიცირებულიდან დაავადების გადადების შანსი 1%-ზე დაბალია, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა.

მისივე თქმით, ადამიანებს შორის 2 და 3-მეტრიანი დისტანციის შემთხვევაში შეიძლება პირბადის გარეშე საუბარი, მაგრამ უფრო ახლო დისტანციისას - პირბადე აუცილებელია.

„ყველგან, სადაც დისტანციის დაცვა ვერ ხერხდება, აუცილებელია, პირბადე ვატაროთ. ძალიან გთხოვთ, მედია დაგვეხმაროს ამაში, რომ ადამიანებამდე მივიტანოთ ეს ინფორმაცია. უკვე დამტკიცებულია, როდესაც თუ ორ ადამიანს უკეთია პირბადე და მათ შორის ერთი ინფიცირებულია, გადადების შანსი 1%-ზე დაბალია. დღეს პირბადე არის მძლავრი იარაღი კოვიდპანდემიასთან ბრძოლაში.
პირბადე, დისტანცია და ხელების ხშირი დამუშავება სადეზინფექციო ხსნარებით - თუ ამ წესებს დავიცავთ, შევაკავებთ ინფექციას და არ მივცემთ ფართომასშტაბიან ეპიდემიაში გადაზრდის საშუალებას “, - განაცხადა ამირან გამყრელიძემ.

შეგახსენებთ, კოვიდინფექციით საქართველში უკვე 23 ადამიანი გარდაიცვალა, ხოლო ბოლო 24 საათში ვირუსის 218 ახალი შემთხვევა დაფიქსირდა.