კომენტარი

პოლიტიკა კომპრომისზე წასვლაა და არა სპეცრაზმის უკან ამოდგომა — თამარ ჩუგოშვილი

ქართული ოცნების ყოფილი დეპუტატის, თამარ ჩუგოშვილის თქმით, პოლიტიკური კრიზისიდან და დაძაბულობიდან გამოსავალი კომპორმისზე წასვლაა. ხელისუფლების მიზანი სიტუაციის განმუხტვა რომ ყოფილიყო, დიალოგზე წავიდოდა, - ამის შესახებ „ქართული ოცნების“ ყოფილი დეპუტატმა, თამარ ჩუგოშვილმა ტვ პირველის ეთერში განაცხადა.

"სამწუხაროდ, პირველი ხელისუფლება არ არის უკვე მერამდენე ხელისუფლებაა, რომელიც თვლის, რომ პოლიტიკაში ძალა უნდა აჩვენოს, შეუპოვრობა უნდა აჩვენოს, დათმობაზე არ უნდა წავიდეს და რატომღაც ითვლება, რომ ეს არის ძლიერი პარტია. მე კიდევ მგონია, რომ ეს არის სისუსტე. მე მგონია, რომ ძლიერი პარტია არის ის, ვინც ახერხებს, რომ ლაპარაკით, პოლიტიკით, შეთანხმებით, კომპორომისით მოახერხოს და ქვეყანაში იყოს სტაბილურობა, სიმშვიდე და განვითარება. ეს არის პოლიტიკოსის როლი და არა ის, რომ პატრულით და პოლიციით შედიოდნენ სხდომათა დარბაზებში", — ამბობს თამარ ჩუგოშვილი.