პოლიტიკა

პოლიტიკური ძალები უნდა დასხდნენ და ეძებონ რესურსი - ჰეიდი ჰაუტალა

საქართველოს პარლამენტის თავმჯდომარე ევროპარლამენტში შეხვედრებს განაგრძობს.

ირაკლი კობახიძე დღეს, საკონსტიტუციო რეფორმასთან დაკავშრებულ ინფორმაციას ასოცირების საპარლამენტო კომიტეტის წევრებს მიაწვდის.

მედიასთან საუბარში კი ევროპარლამენტის წევრმა ჰეიდი ჰაუტალამ აღნიშნა, რომ კონსტიტუცია კონსენსუსის საფუძველზე უნდა იქნას მიღებული.

„ძალიან კარგად მესმის, რომ საქართველოში პოლარიზებული გარემოდან გამომდინარე რთულია პოლიტიკურ ძალებს შორის შეთანხმება და კონსენსუსი, მაგრამ მიანც მაქსიმუმს უნდა ვეცადოთ.

ბოლო ორი წლის განმავლობაში საქართველომ ამ კუთხითაც ბევრს მიაღწია. ევროპარლამენტში მყოფი საქართველოს დელეგაცია, რომელშიც ოპოზიციური პარტიებიც შედიან კარგი მაგალითია იმის, რომ ვისაუბროთ ერთად და ვეძებოთ საერთო ხედვა ძირითად საკითხებზე. პოლიტიკური ძალები უნდა დასხდნენ და ეძებონ რესურსი იმის, რომ კონსტიტუცია შეთანხმებულად მიიღიონ“,-აღნიშნა ჰაუტალამ, რომლის განცხადების თარგმანს საზოგადოებრივი მაუწყებელი ავრცელებს.

მონიკა დავლიანიძე