კომენტარი

პოლიტიკური სიტუაციის გამო რთულია მყარი მტკიცებულებები იყოს წარდგენილი იოსებ ოსორაულის გარდაცვალების შესახებ - დავით ზალკალიანი

საქართველოს საგარეო საქმეთა მინისტრის პირველი მოადგილის თქმით, ძნელია იმის მტკიცება, გარდაცვლილია თუ არა იოსებ ოსორაული.

ამის შესახებ ზალკალიანმა ჟურნალისტებს განუცხადა.

„ოჯახი თავიდანვე იყო ინფორმირებული განვითარებული პროცესების შესახებ. არსებული რთული პოლიტიკური სიტუაციის გამო ძალიან რთულია, რომ მყარი მტკიცებულებები იყოს წარდგენილი, თუმცა ის დოკუმენტაცია, რაც ჩვენ ხელთ გქვონდა, მათ შორის ფოტოები, ოჯახისთვისაც იყო ცნობილი და გაზიარებული. ჩვენს ხელთ არსებული ყველა რესურსი გამოყენებული გვაქვს და ყველაფერს გავაკეთებთ იმისთვის, რომ დამატებითი მტკიცებულებები კიდევ იყოს მოპოვებული და ოჯახს მიეწოდოს ყველა ამომწურავი ინფორმაცია“,- განაცხადა დავით ზალკალიანმა.

ქართველი მფრინავი იოსებ ოსორაულის ვერტმფრენი კონგოს დემოკრატიული რესპუბლიკის სამხედრო-საჰაერო ძალების ორი შვეულმფრენი მეამბოხეებმა 27 იანვარს ჩამოაგდეს.

ქართველი მფრინავი კი ტყვედ აიყვანეს.

მონიკა დავლიანიძე