უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
პრეზიდენტი და მისი ადმინისტრაცია საკონსტიტუციო კომისიის დისკრედიტაციაში მონაწილეობდა - ირაკლი კობახიძე
საქართველოს პარლამენტის თავმჯდომარე ირაკლი კობახიძე „საქართველოს ახალგაზრდა იურისტთა ასოციაციის“ განცხადებას გამოეხმაურა, რომელიც ეხებოდა საყოველთაო-სახალხო განხილვებზე გამოვლენილ ხარვეზებს.
კობახიძის თქმით, საიას განცხადება არასერიოზულია, ხოლო საქართველოს პრეზიდენტი და მისი ადმინისტრაცია ჩართული იყო საკონსტიტუციო კომისიის დისკრედიტაციაში.
„ეს არასერიოზული განცხადებაა. სამწუხაროა კიდევ ერთხელ იმის გამეორება, რომ პრეზიდენტი პირველივე დღიდან იმ კამპანიაში იყო ჩართული, რომლის მიზანსაც კომისიის დისკრედიტაცია წარმოადგენდა - ხელშემშლელი საქმიანობა პირდაპირ წარმოებული იყო და როცა საყოველთაო-სახალხო განხილვა დაიწყო, წინასწარ ვთქვი, რომ სპეციალური შეხვედრა იყო, რომელსაც პრეზიდენტის ადმინისტრაციის წარმომადგენელი ესწრებოდა და იმ შეხვედრაზე კონკრეტული, დესტრუქციული გეგმა შეთანხმდა, რომლის მონაწილე, სამწუხაროდ, პრეზიდენტის ადმინისტრაცია იყო. მაშინ ვამბობდი, რომ ეს გეგმა კონკრეტული სახით იქნებოდა განხორციელებული და ეს დესტრუქციული გეგმა როგორი იქნებოდა, ამას ყველანი ვნახავდით და ამ გეგმის კონკრეტული შედეგებიც ყველამ ერთად ვიხილეთ კიდეც.
პოლიტიკური ძალებისა და სხვადასხვა სუბიექტის მხრიდან დესტრუქციული ნაბიჯები გადაიდგა.
სამწუხაროა, რომ ამ ყველაფერში ჩართული იყო პრეზიდენტი და მისი ადმინისტრაცია. ეს ძალიან სამწუხარო დღის წესრიგია, რომლითაც საქართველოს პრეზიდენტი მოქმედებდა. ჩვენ ჩვენი პოზიტიური დღის წესრიგი გვაქვს“, - განაცხადა კობახიძემ.
პარლამენტის თავმჯდომარემ აღნიშნა, რომ ახალი კონსტიტუცია „ძალიან დახვეწილი დოკუმენტია“, რომელიც გამორიცხავს ყოველგვარ ავტოკრატიას. მისი თქმით, ამაზე დაიდება ვენეციის კომისიის შესაბამისი დასკვნაც.
შეგახსენებთ, საიას საპარლამენტოი მდივნის, სოფიო ჭარელის განცხადებით, კონსტიტუციის საყოველთა-სახალხო განხილვებზე გამოიკვეთა საჯარო სამსახურებში დასაქმებულ პირთა მობილიზება და მათთვის წინასწარ დაწერილი კითხვების გადაცემა.
ანა მებურიშვილი