უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
არქივი
პოლიტიკა
პროცესი გაგრძელდება, ვიდრე უმრავლესობა არ შეჯერდება ერთიან პოზიციაზე - აკაკი ზოიძე ნარკოპოლიტიკის ლიბერალიზაციის შესახებ კანონპროექტზე
ჯანდაცვის საპარლამენტო კომიტეტის თავმჯდომარის, აკაკი ზოიძის განცხადებით, ნარკოპოლიტიკის ლიბერალიზაციის შესახებ საკანონმდებლო პაკეტის განხილვები იქამდე გაგრძელდება, სანამ უმრავლესობა ერთიან პოზიციაზე არ შეჯერდება.
„კანონპროექტი შემდგომ პროცედურებზე, იურიდიულ კომიტეტსა და პლენარულ სესიაზე შეჯერებული ვარიანტი გავა, რომელიც უმრავლესობაში ფართო საზოგადოებრივი დისკუსიების შედეგად შეჯერდება. დისკუსიები გაგრძელდება და გაფართოვდება, რადგან ეს დისკუსიები ექვსი თვეა დაწყებულია. საპატრიარქოს განცხადებაც ამ დისკუსიების გამოძახილია. პროცესი გაგრძელდება, ვიდრე უმრავლესობა არ შევჯერდებით იმ პოზიციაზე, რომელითაც სესიაზე გავალთ. ყველას თავისი აზრი აქვს, მე ვამბობ უმრავლესობის შეჯერებული პოზიცია უმრავლესობის შეჯერებულ პოზიციას ნიშნავს და არა ცალკეული ადამიანების. მე ამ ქვეყანაში არ მახსოვს რომელიმე კანონპროექტი, რომელსაც 100%-ით მხარს ყველა ადამიანი უჭერდა. არსებობს მომხრეები, მოწინააღმდეგეები. შევჯერდებით, არგუმენტებს გავცვლით, საზოგადოებას რაც შეიძლება ფართო წრეებს მოვუსმენთ. იურიდიულ კომიტეტზე შეჯერებული გავა და ხმების დათვლა მერე არავის აღარ დასჭირდება“, – განაცხადა კანონპროექტის ერთ-ერთმა ინიციატორმა.
ჯანდაცვის კომიტეტმა ნარკოპოლიტიკის ლიბერალიზაციის შესახებ კანონპროექტი პირველი მოსმენით 2017 წლის 27 დეკემბერს მიიღო. ამ საკანონმდებლო პაკეტის ინიცირება გასული წლის გაზაფხულზე მოხდა, თუმცა მასზე მსჯელობა შემოდგომიდან დაიწყო.
კანონპროექტს საპატრიარქოც გამოეხმაურა და მისი განხილვის შეჩერება მოითხოვა. გუშინ გამოქვეყნებულ განცხადებაში ის გამოვიდა ინიციატივით, რომ ნარკოპოლიტიკის შესახებ საზოგადოებრივი განხილვა გაიმართოს, რომელშიც მონაწილეობას მიიღებენ ხელისუფლების წარმომადგენლები, ფსიქოლოგები, ექიმები, იურისტები, სასულიერო პირები, ადამიანის უფლებადამცველები, ჟურნალისტები, პედაგოგები, ინტელიგენცია და სამართალდამცველები.
ანა მებურიშვილი