უახლესი ამბები
- 10.05.2024 13:05სახალხო დამცველის რწმუნებულებმა გასული ღამის განმავლობაში 8 პირი მოინახულეს, მათ შორის, ბლოგერი უჩა აბაშიძე - ომბუდსმენის აპარატი
- 10.05.2024 12:55დააზიანეს ჟურნალისტ ნინო ზურიაშვილის ავტომანქანა, ხოლო საცხოვრებელი სახლის ფასადზე შეურაცხმყოფელი პლაკატებია გაკრული - „სტუდია მონიტორი“
- 10.05.2024 12:09დღეს კანცელარიაში დაბარებული ჰყავთ ბიზნესმენები, მოსთხოვენ ნათესავებმა და მათმა თანამშრომლებმა აქციებზე აღრ იარონ - ლევან ხაბეიშვილი
- 10.05.2024 11:12გოჩა ჯავახიშვილმა შეურაცხყოფა მიაყენა როგორც სახელმწიფოს, ისე უწყებას, აგრეთვე თითოეულ ღირსეულ დიპლომატს - ილია დარჩიაშვილი
- 10.05.2024 10:59ჩათვალეთ, რომ ამ ქვეყანას პრემიერი არ ჰყავს, მაგ ადამიანს აზრი არ მოეკითხება - მიხეილ დაუშვილი
- 10.05.2024 10:51კონკურენციისა და მომხმარებლის დაცვის სააგენტოს მიერ დაკისრებული ვალდებულებების შეუსრულებლობის გამო მოვაჭრეებს ჯარიმა დაეკისრათ
- 10.05.2024 10:42პრემიერ-მინისტრი ირაკლი კობახიძე გულწრფელ ახალგაზრდებს ღია წერილით მიმართავს
არქივი
მსოფლიო
პუტინი აბსოლუტურად არაპროგნოზირებადია, მისთვის წითელი ხაზები არ არსებობს - პეტრო პოროშენკო
უკრაინის პრეზიდენტმა, პეტრო პოროშენკომ რუსეთის პირველი პირს, ვლადიმერ პუტინს არაპროგნოზირებადი უწოდა. როგორც პოროშენკომ ამერიკულ ტელერხ Fox Business-ს განუმარტა, ის არ მოელოდა, რომ რუსეთი 2014 წელს ყირიმის ანექსიას მოახდენდა.
„პუტინი აბსოლუტურად არაპროგნოზირებადია. თუკი 2014 წელს მკითხავდით, შესაძლებელია თუ არა ყირიმის ანექსია, გიპასუხებდით, რომ „რა თქმა უნდა, არა“. თუკი მე ან სხვა ვინმეს ჰკითხავდით 2014 წელს, გააკეთებდა თუ არა ეს აგრესიულად, გიპასუხებდით, რომ „რა თქმა უნდა, არა““, -განაცხადა პოროშენკომ.
უკრაინის პრეზიდენტმა აღნიშნა, რომ პუტინისთვის წითელი ხაზები არ არსებობს. პოროშენკოს თქმით, რუსული აგრესიის შედეგად უკრაინაში 10 000 ადამიანი დაიღუპა - აქედან 2.700 სამხედროა, ხოლო 7000-ზე მეტი კი სამოქალაქო პირი.
პოროშენკომ ასევე დასძინა, რომ პუტინმა გლობალური უსაფრთხოების მექანიზმები გაანადგურა.
„რუსეთი გაეროს უსაფრთხოების საბჭოს მუდმივი წევრია, რომელიც უზრუნველყოფს გლობალურ უსაფრთხოებას, მაგრამ მან [პუტინმა] მსოფლიოში გლობალური უსაფრთხოების მექანიზმები გაანადგურა“, - თქვა პოროშენკომ.
ანა მებურიშვილი