კომენტარი

ქვეყანაში ეკონომიკური პრობლემების ძირითადი სათავე არასწორად დაგეგმილი სახელმწიფო ბიუჯეტია -ზურაბ ჭიაბერაშვილი

„ევროპული საქართველოს“ წევრის, ზურაბ ჭიაბერაშვილის განცხადებით, ქვეყანაში ეკონომიკური პრობლემების ძირითადი სათავე არასწორად დაგეგმილი სახელმწიფო ბიუჯეტია.

„ქვეყნის მთავარი პრობლემა უმუშევრობა, ფასების ზრდა და სიღარიბეა. ბიუჯეტი ინსტრუმენტია მთავრობის ხელში, რომ ამ პრობლემებს უპასუხოს. სამწუხაროდ, „ქართული ოცნების“ მიერ ეს ბიუჯეტი ისე არასწორად არის დაგეგმილი, რომ ამ პრობლემების ძირითადი სათავეა.

ის რომ ფასები იზრდება, გვაქვს სუსტი ეროვნული ვალუტა, ვერ გვარდება უმუშევრობის პრობლემა, არის დაბალი ეკონომიკური ზრდა - ეს დიდწილად მთავრობის არასწორი ეკონომიკური პოლიტიკით არის გამოწვეული და ბიუჯეტი ამის ნათელი დადასტურებაა“, - განაცხადა ჭიაბერაშვილმა საპარლამენტო უმცირესობის ფორმატში 2017 წლის სახელმწიფო ბიუჯეტის ექვსი თვის შესრულების ანგარიშის განხილვის დასრულების შემდეგ.

ნინო ექვთიმიშვილი