კომენტარი

ქვეყანაში უსამართლობას და უღარიბესობას რომ უინტელექტობაც თან სდევს, კი ვიცით, მაგრამ ამდენ ხნით?.. მაგრამ ასეთი? - ნატო ჩხეიძე

მარტო ამათ რომ უსმინო და სხვა რეალიბას ვერ ხედავდე, თუნდაც იგივე რ2- დან, გეგონება, რომ უპრობლემო და ბედნიერ ქვეყანაში ცხოვრობ,- წერს სოციალურ ქსელში პარლამენტარი ნატო ჩხეიძე.

„სერიიდან: ჩვენი ცხოვრების კვალდაკვალ...

“რ2- ზე შაბათის შუადღე გადის.

ლიტერატურულ- შემეცნებითი გადაცემის პრეტენზია აქვს და შესაბამისად ინტელექტუალური აზრები უნდა მოვისმინოთ.

ყურადღებით ვუსმენ.

წამყვანებად 4 პირია შერჩეული.

გენდერული ბალანსიც დაცულია- 2 ქალი და 2 კაცი ( ქეთი დევდარიანი, ნესტან- ნენე კვინიკაძე, ლაშა ბუღაძე, დათო ტურაშვილი)

თემა: ამ წლის 3-3 მთავარი მოვლენა ჩამოვთვალოთ და იმაზე ვიმსჯელითო, - თვითონვე თქვეს წამყვანებმა, არავის დაუძალებია და არც რომელიმე მეტიჩარა ჟურნალისტს უკითხავს მოულიდნელად.
თვითონვე განსაზღვრ/ჩამოაყალიბეს გადაცემის თემა.

მაშ ასე: წლის სამი ძირითადი ამბავიო.

კვინიკაძემ ჩამოთვალა: გიორგანაშვილი გაამართლესო, პრეზიდენტი ავირჩიეთო და ფრანკფურტის ბაზრობაო.

დევდარიანმა ჩამოთვალა: ფრანკფურტის ბაზრობაო.

ბუღაძემ ჩამოთვალა: პრეზიდენტი ავირჩიეთო, სალარიძე ქუჩაში იდგაო და ფრანკფურტის ბაზრობაო.

ტურაშვილმა ჩამოთვალა: დუბაი მეგაპოლისია, დუბაიში ქართულ რესტორანში ქართველები ცეკვავენ და დუბაიში ქრთულ რესტორანში ლექცია წავიკითხეო.

დანარჩენი საუბარი სამზარეულოს თუ ავტობუსის გაჩერების თემების და აზრთა მიმდინარეობების დუბლიკატი იყო.

ბოლოს 2 წიგნიც გვიჩვენეს და ავტორ/მთარგმნელები დაგვისახელეს.

გამომცემლებსაც მადლობა უძღვნეს...

და ასე გაილია ეს ინტელექტუალურ/შემეცნებითი 60 წუთი...

პ.ს.

მარტო ამათ რომ უსმინო და სხვა რეალიბას ვერ ხედავდე, თუნდაც იგივე რ2- დან, გეგონება, რომ უპრობლემო და ბედნიერ ქვეყანაში ცხოვრობ, ბედნიერ, მაგრამ უინტელექტო ქვეყანაში.
პ.პ.ს.

ეჰჰ, ქვეყანაში უსამართლობას და უღარიბესობას რომ უინტელექტობაც თან სდევს, კი ვიცით, მაგრამ ამდენ ხნით?.. მაგრამ ასეთი?.- დაწერა ნატო ჩხეიძემ „ფეისბუქის“ პირად გვერდზე.