კომენტარი

ქვეყნიდან გასვლის მოთხოვნაზე შემოტანილი განცხადება არის კიდევ ერთი დარტყმა ჩემი ახალი მედიის მომავალზე - ნიკა გვარამია

ქვეყნიდან გასვლის მოთხოვნაზე შემოტანილი განცხადბა არის კიდევ ერთი დარტყმა ჩემი ახალი მედიის მომავალზე იმიტომ, რომ ქვეყნით გარეთ ცხოვრობენ ინვესტორები, ვინც ამ მედიაში უნდა იყვნენ პარტნიონრები, მაგალითად, ზაზა ოქუაშვილს ვერ შევხვდები ამ ქვეყანაში, - - ეს განცხადება ნიკა გვარამიამ გააკეთა.

"რუსთავი 2-ის" ყოფილი დირექტორი საქალაქო სასამართლოსთან მივიდა. დღეს სასამართლომ მისთვის აღკვეთის ღონისძიების შეფარდების საკითხზე უნდა იმსჯელოს.

პროკურატურა „რუსთავი 2-ის“ ყოფილი გენერალური დირექტორის, ნიკა გვარამიას მიმართ 80 000-ლარიან გირაოს და უწყების გაფრთხილების გარეშე ქვეყნის დატოვების აკრძალვას მოითხოვს.

„რაც არ უნდა მოითხოვონ, მე გირაოს გადამხდელი არ ვარ. ძალიან მაინტერესებს მოსამართლე როგორ შემიფარდებს გირაოს, იმ ბრალდებულს, რომელიც ამბობს წინასწარ, რომ ის არ გადაიხდის გირაოს. მოსამართლესაც არ აქვს თეორიულად, ამის უფლება, მაგრამ ვნახოთ...

ქვეყნიდან გასვლის მოთხოვნაზე შემოტანილი განცხადბა არის კიდევ ერთი დარტყმა ჩემი ახალი მედიის მომავალზე იმიტომ, რომ ქვეყნის გარეთ ცხოვრობენ ინვესტორები, ვინც ამ მედიაში უნდა იყვნენ პარტნიონრები, მაგალითად, ზაზა ოქუაშვილს ვერ შევხვდები ამ ქვეყანაში. იციან ჩემი ვოიაჟები იგივე უკრაინაში, იგივე ლონდონში და ზუსტად ამას ემსახურება ეს ყველაფერი“, - განაცხადა ნიკა გვარამიამ.