კომენტარი

რაც ხდებოდა გუშინ სავალუტო ბაზარზე, ეს გარკვეულწილად იყო აჟიოტაჟი შექმნილი მოლოდინებიდან - კობა გვენეტაძე

ეროვნული ბანკის პრეზიდენტმა ჟურნალისტებთან ლარის კურსის რეკორდულ გაუფასურებასთან დაკავშირებით განმარტება გააკეთა.

,,ვფიქრობ, რომ რაც ხდებოდა გუშინ სავალუტო ბაზარზე, ეს იყო გარკვეულწილად აჟიოტაჟი შექმნილი გარკვეულწილად მოლოდინებიდან. მოლოდინებში ძალიან ბევრი ფაქტორი მონაწილეობს და რთულია მათი გამოცალკევება. მოგეხსენებათ, რომ დოლარის კურსი ისტორიულად გაიზარდა. ამავე დროს მოხდა გაუფასურება ჩვენი მეზობლების ქვეყნებისა და ამ ყველაფერმა ერთად ითამაშა თავისი როლი.

ბაზრებს სამწუხაროდ ახასიათებს ასეთი მოვლენა, რომელსაც ჰქვია ,,ოვერშუტინგი’’, ანუ იმ დონეზე მაღლა ასვლა გარკვეულ პერიოდში და მოკლე პერიოდში, რასაც ფუნდამენტალური ფაქტორები განაპირობებენ. როგორც წესი, ამას მოყვება ხოლმე ისევ ძველი დონისკენ ჩამოსვლა’’, - განაცხადა კობა გვენეტაძემ.

ნინო ექვთიმიშვილი