უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
პოლიტიკა
რეკომენდაციას ვაძლევთ, რომ პრემია-დანამატები ან ხელფასის ნაწილში აისახოს, ან იყოს დასაბუთებული მათი გაცემის მიზეზი - ლაშა თორდია
სახელმწიფო აუდიტის სამსახურის ხელმძღვანელის, ლაშა თორდიას განცხადებით, პარლამენტისადმი წარსადგენ 2016 წლის ანგარიშში ნათქვამია იმ დარღვევებზე, რომლებიც მუნიციპალიტეტებსა და ცენტრალური ხელისუფლების სამინისტროების შემოწმების დროს დაფიქსირდა.
თორდიას თქმით, დოკუმენტში საუბარია სისხლის სამართლის ნიშნების მქონე ფაქტებზეც.
„იმ ტენდენციებზე ვსაუბრობთ, რომელიც რეკომენდაციების გათვალისწინებას გულისხმობს. ყველა ამ საკითხზე ინფორმაცია პარლამენტს მივაწოდეთ. მათ შორის, შესყიდვებთან, ქონების მართვის საკითხებთან, შრომის ანაზღაურებასთან დაკავშირებით. არის საკითხები, როცა შემდგარი ფაქტია, რომ სისხლის სამართლებრივი ნიშნებია და ამ დროს, დასკვნებს სამართალდამცავ უწყებებში ვაგზავნით“, - განუცხადა ჟურნალისტებს თორდიამ.
თორდიამ აღნიშნა, რომ საგამოძიებო ორგანოში 27 ფაქტია გადაგზავნილი. გენერალური აუდიტორის თქმით, სისხლის სამართლებრივი ნიშნები დაფიქსირებულია ადგილობრივი თვითმმართველობის ნაწილში, ასევე, ჯანდაცვის სამინისტროს ერთ-ერთი ქვეპროგრამაში განხორციელებულ შესყიდვაზე.
გენერალური აუდიტორის განცხადებით, აუცილებლად უნდა იყოს დასაბუთებული, რის გამო გაეცემა პრემია-დანამატები საჯარო მოხელეებს.
„აუდიტის სამსახური საჯარო მოხელეებისთვის ბონუსის სისტემის არსებობას არ ეწინააღმდეგება, ჩვენ პრინციპს ვეწინააღმდეგებით. 2014 წელს, საქართველოს მთავრობამ დადგენილება მიიღო და პრემიიის გაცემის ზღვრები დააწესა. იმ დროს, როცა პრემიის მუხლმა დაიკლო, დანამატმა მოიმატა, რაც ბონუსური სისტემის ნაწილია, თუმცა დანამატის გაცემა შესაძლებელია მხოლოდ და მხოლოდ ზეგანაკვეთური შრომის შედეგად. ვხედავთ, რომ წინასწარ, ერთი წლით ადრე, უწყების ხელმძღვანელები თანამშრომლებს დანამატს უნიშნავენ, ეს არასწორ პრაქტიკად მიგვაჩნია. რეკომენდაციას ვაძლევთ, რომ ის თანხები ან ხელფასის ნაწილში აისახოს, ან დასაბუთება მოხდეს, თუ რის გამო გაიცემა და რა ზეგანაკვეთური შრომის გამო, რადგან ვხედავთ, რომ არ შეიძლება, უწყების ხელმძღვანელმა წინასწარ განსაზღვროს, ვინ უფრო მეტს იმუშავებს და ვინ უფრო ნაკლებს. თუ ადამიანი ასეთი დატვირთვით მუშაობს, ის მის რეალურ ხელფასს წარმოადგენს“, - თქვა თორდიამ.
ლაშა თორდია 2016 წლის ანგარიშს წარადგენს დღეს, პარლამენტის პლენარულ სხდომაზე.