კომენტარი

როგორც ჩანს მმართველ ძალას ქვეყანაში არსებული ვითარების ფონზე სჭირდება მტრის ხატის შექმნა - ფიქრია ჩიხრაძე

პრეზიდენტის პოლიტიკური მრჩეველი, ფიქრია ჩიხრაძე „ქართული ოცნების“ განცხადებას ეხმაურება.

მისი შეფასებით, მმართველ ძალას ქვეყანაში არსებული რთული სოციალურ-ეკონომიკური მდგომარეობის ფონზე პრეზიდენტის სახით მტრის ხატის შექმნა სჭირდება.

„რთულია ამ დამოკიდებულების ახსნა იმიტომ, რომ ჩვენ ამ ხნის განმავლობაში პრეზიდენტის ნებისმიერ ინიციატივასა და მოსაზრებაზე ვაწყდებით ყოველთვის აგრესიულ დამოკიდებულებას მმართველი ძალის წარმომადგენელთა მხრიდან. ეს ერთი მხრივ, შეიძლება აიხსნას აკვიატებული დამოკიდებულებით პრეზიდენტ მარგველაშვილის მიმართ, რომელიც არ არის ერთი პოლიტიკური ძალის პრეზიდენტი და მეორე, როგორც ჩანს მმართველ ძალას ქვეყანაში არსებული ვითარების ფონზე სჭირდება მტრის ხატის შექმნა“, - აცხადებს ჩიხრაძე.

ნინო ექვთიმიშვილი