კომენტარი
რუსეთი კონსტრუქციულობის არც ერთ ნიშანს არ გვაძლევს - დიმიტრი ცქიტიშვილი
პარლამენტის საგარეო ურთიერთობათა კომიტეტის თავმჯდომარის მოადგილის დიმიტრი ცქიტიშვილის შეფასებით, რუსეთი კონსტრუქციულობის არც ერთ ნიშანს არ იძლევა.
ამის შესახებ ცქიტიშვილმა რუსეთში ოკუპირებული ცხინვალის დე ფაქტო ლიდერის ვიზიტის კომენტირებისას განაცხადა.
ცქიტიშვილის თქმით, აღნიშნული არის მორიგი დესტრუქციული ქმედება რუსეთის მხრიდან.
„ეს არის საერთაშორისო ნორმებისა და სტანდარტების უპატივცემულობის კიდევ ერთი გამოხატულება და არის დესტრუქციული ქმედება რუსეთის მხრიდან. რუსეთი აგრძელებს იმ საოკუპაციო პროცესს, რომელიც დიდი ხანია დაწყებული. ამიტომ, ამაში ბუნებრივია ახალი არაფერია, თუმცა სამწუხაროა, რომ რუსეთი კონსტრუქციულობის არც ერთ ნიშანს არ გვაძლევს.
თუმცა, მეორეს მხრივ ჩვენ გვაქვს კონსოლიდირებული მხარდაჭერა საერთაშორისო თანამეგობრობის და მე დარწმუნებული ვარ, ამას მოჰყვება ის მკაცრი განცხადებები, რომელიც მოყვება ამდაგვარ ვიზიტებს“,-აღნიშნა დეპუტატმა.
მონიკა დავლიანიძე