პოლიტიკა
რუსეთის დუმაში საქართველოსთან ურთიერთობის აღდგენის საკითხზე მომუშავე ჯგუფი შეიქმნება
მოსკოვში საქართველოსა და რუსი დეპუტატების სამუშაო ჯგუფის შექმნაზე შეთანხმდნენ.
როგორც „ტასს“-ი იუწყება, ეს იქნება არაფორმალური სამუშაო ჯგუფი.
რუსეთის დუმაში საქართველოსთან ურთიერთობის აღდგენისთვის სამუშაო ჯგუფის შექმნის გადაწყვეტილება ქართველ დეპუტატებთან შეხვედრაზე მიიღეს.
რუსული სააგენტო ინფორმაციას რუსეთის დუმის დსთ-ს და ევრაზიული ინტეგრაციის საკითხების კომიტეტის თავმჯდომარაზე, ლეონიდ კალაშნიკოვზე დაყრდნობით ავრცელებს, რომელმაც "პატრიოტთა ალიანსის" დეპუტატებთან შეხვედრის შემდეგ პრესკონფერენცია გამართა.
რუსეთის სახელმწიფო სათათბიროს წარმომადგენლის, ინფორმაციით, შეხვედრაზე განიხილეს ასევე ორ ქვეყანას შორის სავიზო რეჟიმის გამარტივება და დიპლომატიური ურთიერთობების აღდგენაზე იმსჯელეს.
ქართველ დეპუტატებთან გამართულ შეხვედრას, რომელიც სულ ცოტა ხნის წინ დასრულდა, ესწრებოდნენ პუტინის სახელისუფლებო პარტია "ედიანაია რასიას" და "კომუნისტური პარტიის" წევრები.
ნინო ექვთიმიშვილი