უკან

უახლესი ამბები

დღის კალენდარი

ანონსები

არქივი

პოლიტიკა

20 ივლისი, 2017 16:35
font-size

რუსეთის სათათბიროს წევრებთან საუბრის მთავარი თემა იყო სოხუმი, ცხინვალი და საზღვრები - ,,საქართველოს პატრიოტები’’

რუსეთის სათათბიროს წევრებთან საუბრის მთავარი თემა იყო სოხუმი, ცხინვალი და საზღვრები - ჩვენ მკაფიოდ დავაფიქსირეთ, რომ ჩვენი მთავარი ინტერესი არის სწორედ სოხუმი, სწორედ ცხინვალი და სწორედ საზღვრები, - განაცხადეს პარლამენტში გამართულ პრესკონფერენციაზე ფრაქცია “საქართველოს პატრიოტების“ წევრებმა მოსკოვში რუსეთის სათათბიროს დეპუტატებთან შეხვედრაზე საუბრისას.

ქართველმა დეპუტატებმა რუს კოლეგებთან გამართული შეხვედრები შეაჯამეს. ,,საქართველოს პატრიოტების’’ ინფორმაციით, რუსეთის სახელმწიფო დუმაში შეხვდნენ დსთ-სა და ევრაზიული კავშირის კომიტეტის თავმჯდომარეს ლეონიდ კალაშნიკოვს, დეპუტატებს: არტიომ კავინოვს, ყაზბეკ ტაისაევი, უმახან უმახანოს და ასევე, სახელმწიფო დუმის აპარატის მაღალი თანამდებობის პირებს.

“ჩვენ ხაზგასმით დავაფიქსირეთ, რომ ყოველთვის, რამდენჯერაც შევხვდებით, ყოველთვის ვისაუბრებთ სწორედ სოხუმზე, სწორედ ცხინვალზე და სწორედ საზღვრებზე. ჩვენ უნდა ვიმოქმედოთ იმ მიმართულებით, რა მიმართულებითაც შეგვიძლია. თქვენ იცით, რომ ქართველები ვერ ჩადიან სოხუმსა და ცხინვალში. ცხადია, ამ საკითხზე ვისაუბრეთ. ჩვენ გვინდა, რომ ქართველებმა, გამოდევნილმა მოსახლეობამ ნათესავებისა და ახლობლების საფლავების მონახულება შეძლონ. ამ საკითხში სრულ ურთიერთგაგებას მივაღწიეთ. გადავწყვიტეთ, დავიწყოთ მუშაობა და ხელშეწყობა ისეთ საკითხებზე, როგორიცაა აფხაზეთსა და ცხინვალში დევნილების ჩასვლა საფლავების მოსანახულებად, ასევე გალის რაიონის სკოლებში ქართული სახელმძღვანელოების ჩატანა“, - განაცხადა პარლამენტის წევრმა ადა მარშანიამ.

მისივე თქმით, პირველად, 25 წლის განმავლობაში ორივე მხარემ ღიად თქვა, რომ ძალიან მნიშვნელოვანი და სასარგებლო იქნება პირდაპირი საუბარი სოხუმთან და ცხინვალთან, ყოველგვარი შუამავლის გარეშე.

მარშანიას ინფორმაციითვე, საუბრის კიდევ ერთი მნიშვნელოვანი თემა ნატო-ს საკითხი იყო. დეპუტატის თქმით, რუსეთი მიიჩნევს, რომ ნატო შეიძლება მას თავს დაესხას და რუსეთზე თავდასხმისთვის შავი ზღვა და საქართველოს ტერიტორია გამოიყენოს.

“ჩვენ ამაზე ვუპასუხეთ, რომ საქართველო აქტიურად თანამშრომლობს ნატო-სთან, რომ ჩვენ ვმონაწილეობთ ნატო-ს ოპერაციებში - ავღანეთში, ერაყსა და სხვა წერტილებში. ამავდროულად, ჩვენ აღვნიშნეთ, რომ ამ თანამშრომლობის მიუხედავად, საქართველოს ტერიტორიიდან არც ნატო და არც არავინ სხვა რუსეთს ან რომელიმე მეზობელ სახელმწიფოს თავს არ დაესხმება. ჩვენ ვთქვით, რომ ვერასდროს ვერავინ ვერ გამოიყენებს საქართველოს ტერიტორიას რუსეთზე ან რომელიმე სახელმწიფოზე თავდასასხმელად. საერთოდ, საქართველო არ არის აგრესორი და არც არასდროს ყოფილა აგრესორი ქვეყანა. ჩვენ რუსულ მხარეს შევთავაზეთ ახალი ფორმატი - საქართველო-ნატო-რუსეთი და ამ იდეამ სრული მხარდაჭერა მოიპოვა“, - განაცხადა ადა მარშანიამ.

ფრაქცია “პატრიოტთა ალიანსის“ წევრებმა ჟურნალისტებს რუსეთის სახელმწიფო სათათბიროში გამართული შეხვედრების სტენოგრამიდან ამონარიდები გადასცეს. მათივე თქმით, ყველა საელჩო და საერთაშორისო ორგანიზაცია სრულ სტენოგრამას მიიღებს, რათა პროცესი იყოს მაქსიმალურად ღია და გამჭვირვალე.

ფრაქცია “პატრიოტთა ალიანსის“ წევრები მოსკოვში შემდგომ ვიზიტს სექტემბერში გეგმავენ.

ნინო ექვთიმიშვილი


ინფორმაცია იმის თაობაზე, რომ ჩვენ თითქოს შევთავაზეთ ოპოზიციას 110/40-ზე, არის არასწორი - ირაკლი კობახიძე

27 თებერვალი, 2020 , 15:30

“ინფორმაციას იმის თაობაზე, რომ ჩვენ თითქოს შევთავაზეთ ოპოზიციას 110/40-ზე, ეს ინფორმაცია არის არასწორი, ” - ამის შესახებ უმრავლესობის ერთ-ერთმა ლიდერმა, ირაკლი კობახიძემ ევროკავშირის ელჩის რეზიდენციაში შეკრებ

საუბარი იყო კონსტრუქციული - ელიზაბეთ რუდი

27 თებერვალი, 2020 , 14:55

ოპოზიციასა და ხელისუფლებას შორის არაფორმალურმა შეხვედრამ კონტრუქციულ რეჟიმში ჩაიარა. ამის შესახებ საქართველოში ამერიკის ელჩის მოადგილე ელიზაბეთ რუდმა ევროკავშირის ელჩის რეზიდენციაში, დიპლომატების ორგანიზებით ხელისუფლებას

ხელისუფლების ახალ საარჩევნო წინადადება - 110 პროპორციული, 40 მაჟორიტარული

27 თებერვალი, 2020 , 14:14

ხელისუფლებამ ოპოზიციას საპარლამენტო მანდატების განაწილების ახალი პროპორცია შესთავაზა, რომლის მიხედვითაც 110 დეპუტატი პროპორციული სისტემით აირჩევა, ხოლო 40 - მაჟორიტარულით.  ინფორმაცია მედიას „ახალი საქართველოს

საქართველოს თავდაცვის სამინისტრომ ახალი საბინაო პოლიტიკის განხორციელება დაიწყო

26 თებერვალი, 2020 , 16:40

საქართველოს თავდაცვის მინისტრ ირაკლი ღარიბაშვილის ინიციატივით, მრავალწლიანი პროფესიული სამხედრო კარიერისა და ქვეყნის სამსახურის დაფასების მიზნით, თავდაცვის უწყება სამხედრო მოსამსახურეებსა და მათი ოჯახის წევრებს ღირსეული

ვანო მერაბიშვილი ხვალ პოლონეთში მიემგზავრება

26 თებერვალი, 2020 , 16:30

საქართველოს ყოფილი პრემიერ-მინისტრი და შინაგან საქმეთა ყოფილი მინისტრი ვანო მერაბიშვილი, რომელმაც სასჯელაღსრულების დაწესებულება რამდენიმე დღის წინ დატოვა, ხვალ პოლონეთში მიემგზავრება. ინფორმაცია მერაბიშვილის „ფეისბ

ევროპის საბჭოს მინისტერიალი, თბილისის ნაცვლად, სტრასბურგში გაიმართება

26 თებერვალი, 2020 , 16:20

ევროპის საბჭოს მინისტრთა კომიტეტის 130-ე სესია, თბილისის ნაცვლად, სტრასბურგში გაიმართება. ამის შესახებ საქართველოს საგარეო საქმეთა მინისტრმა, დავით ზალკალიანმა ბრიფინგზე განაცხადა, რომელიც ამ წუთებში მიმდინარეობს. მისი თ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`