უახლესი ამბები
- 26.04.2024 12:3029 აპრილს რუსთაველზე დგომა არის ისტორიული სირცხვილი - ზურაბ ჯაფარიძე
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
მსოფლიო
რუსეთის წინააღმდეგ დაკისრებული სანქციები პრობლემაა, თუმცა შეიარაღების შესყიდვის საკითხში ჩვენი ინტერესებით ვიხელმძღვანელებთ - ერევნის პოზიცია
სომხეთის თავდაცვის მინისტრის მოადგილის, დავიდ ფახჩანიანის განცხადებით, რუსეთის წარმომადგენლები შეამცირებენ იარაღის მიწოდებას აზერბაიჯანისთვის.
„როგორც ჩანს, ჩვენ გვაქვს გარკვეული უკმაყოფილება იმასთან დაკავშირებით, რომ აზრებაიჯანს აწვდიან რუსულ შეიარაღებას“, -თქვა მან დღევანდელ პრესკონფერენციაზე.
ფახჩანიანმა ასევე აღნიშნა, რომ რუსეთის წინააღმდეგ აშშ-ის საქნციების მიუხედავად, სომხეთი თავისი ინტერესებით იხელმძღვანელებს შეიარაღების შესყიდვის საკითხებში.
„რა თქმა უნდა, სანქციები პრობლემაა, თუმცა ჩვენი ამოცანაა უსაფრთხოების უზრუნველყოფა და ამ საკითხში ჩვენ, უპირველეს ყოვლისა, ვიხელმძღვანელებთ ჩვენი ინტერესებით“, -თქვა სომხეთის თავდაცვის მინისტრის მოადგილემ.
მანამდე სომხეთის საგარეო საქმეთა მინისტრის მოადგილე შავარშ კოჩარიანი გამოეხმაურა ინფორმაციას, რომ აშშ-მ სომხეთის მთავრობა გააფრთხილა შესაძლო სანქციების შესახებ იმ რუსულ კომპანიებთან „არსებითი გარიგებების“ გამო, ვინც შეყვანილია ვაშინგტონის შავ სიაში. კოჩარიანის თქმით, საფრთხე გაზვიადებულია, თუმცა ერევანი ამ საკითხს დააკვირდება, თუმცა ამ ეტაპზე არ დგას რუსულ და ამერიკულ მხარეებთან შესაბამისი მოლაპარაკებების გამართვის საჭიროება.
კითხვაზე, რამდენად იმოქმედებს აშშ-ის შავი სია სომხურ-რუსულ სამხედრო-ტექნიკურ თანამშრომლობაზე, კოჩარიანმა განაცხადა, რომ წინასწარ თქმა საჭირო არაა.