კომენტარი

რუსეთისა და ამერიკის საქართველოზე დიალოგში საქართველო უნდა მონაწილეობდეს - ჯონდი ბაღათურია

„ქართული დასის“ ლიდერი ჯონდი ბაღათურია მიიჩნევს, რომ ამერიკის ახალი პრეზიდენტის არჩევნების შემდეგ, შტატების მთავარი ვექტორი რუსეთთან ურთიერთობის დალაგება და უსაფრთხოება იქნება.

როგორც ბაღათურიამ პრესკონფერენციაზე აღნიშნა, თუ რუსეთმა და ამერიკამ შეძლეს თანამშრომლობა, ეფექტურად დასრულდება ის არეულობა, რაც დღეს სირიასა და ერაყში არის.

„თუმცა, რუსეთისთვის ნომერ პირველ საკითხი უკრაინა და საქართველოა. საუბარი იქნება საქართველო-უკრაინასა და ახლო აღმოსავლეთში მშვიდობის დამყარებაზე. რუსეთისა და ამერიკის საქართველოზე დიალოგში საქართველო უნდა მონაწილეობდეს. ჩვენ უნდა ვცდილობდეთ იმას, რომ ამ რეგიონის შესახებ დიალოგი ჩვენი თანამონაწილეობის გარეშე არ გაიმართოს“,- განაცხადა პოლიტიკოსმა.

მისი თქმით, ამერიკის საპრეზიდენტო არჩევნებმა აჩვენა, რომ შტატების საარჩევნო სისტემამ და მოდელმა თავისი თავი ამოწურა, რადგან ეს მოდელი ვეღარ უზრუნველყოფს პროგრესს და მსოფლიოს უსაფრთხოებას ეჭვქვეშ აყენებს.

მონიკა დავლიანიძე