უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
კომენტარი
რუსთავი 2-ში მე ცენზორად არ შევალ - დავით დვალი
რუსთავი 2-ში მე ცენზორად არ შევალ, - განუცხადა ჟურნალისტებს რუსთავი 2-ის ერთ-ერთმა დამფუძნებელმა, დავით დვალმა, მას შემდეგ, რაც საზოგადოებისთვის სტრასბურგის სასამართლოს გადაწყვეტილება უკვე ცნობილი იყო.
მისივე თქმით, ამ შედეგს არ ელოდა.
"სიმართლე რომ გითხრათ, მივესალმები. რაც მეტი და უფრო გარკვეული იქნება ამბები იმ სასამართლო პროცესთან, რომელიც ბევრ კითხვას უჩენს საზოგადოებას და ბევრი პრეტენზია არის, მით უფრო უკეთესი იქნება საქმისთვისაც.
მე არა ვარ სამართალმცოდნე, მაგრამ ყველა მიმტკიცებდა, რომ ასეთი რამე არ არსებობს და აღმოჩნდა, რომ არსებობს. თავისთავად ძალიან საინტერესო პრეცედენტია და დაველოდები შედეგებს.
ჩემი პოზიცია მე ხმამაღლა დავაფიქსირე და კიდვ გავიმეორებ, მე მინდა, ყველამ იცოდეს, რომ რუსთავი 2-ში მე ცენზორად არ შევალ, რაც არ უნდა იყოს. თუ სხვა გეგემა იქნება, რომელშიც მე არ მექნება ბერკეტები, რომ დავიცვა რუსთავი 2 ასეთი პრობლემისაგან, მაშინ მე წინადადებას არ მივიღებ," - ამბობს დავით დვალი.
მისივე თქმით, ის გადაწყვეტილების გამოცხადების შემდეგ ქიბარ ხალვაშს არ შეხვედრია და ელოდება მისგან განმარტებების მოსმენას, რადგან, როგორც თავად ამბობს, ბოლო დღეებში სხვადასხვა ინტერვიუში მისი მხრიდან სხვადასხვა შინაარსის განცხადებები მოისმინა.
ნინო ექვთიმიშვილი