უკან

უახლესი ამბები

დღის კალენდარი

ანონსები

არქივი

საზოგადოება

29 სექტემბერი, 2020 17:30
font-size

„საერთაშორისო გამჭვირვალობა - საქართველო“ საარჩევნო კამპანიისას გამოვლენილ დარღვევებთან დაკავშირებით ინფორმაციას ავრცელებს

„საერთაშორისო გამჭვირვალობა - საქართველო“ საარჩევნო კამპანიისას გამოვლენილ დაღვევებთან დაკავშირებით ინფორმაციას აქვეყნებს.

ორგანიზაციის ცნობით, 1-ელი სექტემბრიდან დღემდე დარღვევები ძირითადად ოპოზიციური პარტიების ამომრჩევლებისა და აქტივისტების მიმართ განხორციელებულ ძალადობას ეხება და ასევე, საარჩევნოდ მოტივირებულ სავარაუდოდ საბიუჯეტო თანხების ხარჯვას.

გთავაზობთ ორგანიზაციის მიერ გამოვლენილ დარღვევებს თარიღების მიხედვით:

28 სექტემბერი - მარნეულის სოფელ სადახლოში, „ევროპული საქართველოს" ერთ-ერთ აქტივისტს სავარაუდოდ, ტირის თოფიდან ესროლეს. შემთხვევა სავარაუდოდ მაშინ მოხდა, როდესაც პარტიის აქტივისტი სოფელში საარჩევნო ბანერს აკრავდა. გამოძიება დაწყებულია სისხლის სამართლის კოდექსის 120-ე მუხლით (ჯანმრთელობის განზრახ მსუბუქი დაზიანება), რაც სანქციად ჯარიმას, გამასწორებელ სამუშაოს, შინაპატიმრობას ან/და სამ წლამდე თავისუფლების აღკვეთას ითვალისწინებს.

27 სექტემბერი - „ნაციონალური მოძრაობის” მაჟორიტარი დეპუტატობის კანდიდატს, ნიკა მელიას გლდანულაში, ამომრჩეველთან შეხვედრის დროს, ქვები და კვერცხები დაუშინეს.
ოპოზიციური საარჩევნო ბლოკის „ძალა ერთობაშიას“ მხარდამჭერების განცხადებით, „ქართული ოცნების“ მაჟორიტარი კანდიდატის, გოგი მეშველიანის ძმამ და 50-მდე პირმა ოპოზიციის წევრებს სცემეს. კახა ოქრიაშვილის განცხადებით, თავდამსხმელებს ჰქონდათ ცეცხლსასროლი იარაღი და „უმისამართო სროლა იყო". დაშავებული არიფ იუსუფოვი ამბობს, რომ ის ჩაიხანაში იყო, როდესაც “ქართული ოცნების” კანდიდატის ძმა მას თავს დაესხა. გოგი მეშველიანი ბრალდებებს უარყოფს და პირიქით, ოპოზიციას ადანაშაულებს ფიზიკურ დაპირისპირებაში.

სისხლის სამართლის კოდექსით დასჯადია როგორც ძალადობა, ასევე პოლიტიკური შეხედულების გამო ადამიანის დევნა.

24 სექტემბერი - ღამით, უცნობი პირები თავს დაესხნენ „ერთიანი ნაციონალური მოძრაობის“ საბურთალოს შტაბის წარმომადგენელს, ნინია ცისკარიშვილს. ძალადობა სისხლის სამართლის კოდექსის 126-ე მუხლით გათვალისწინებული დანაშაულია. ჯგუფურად ჩადენილი ძალადობა ისჯება ჯარიმით, საზოგადოებისათვის სასარგებლო შრომით, ანდა ორ წლამდე თავისუფლების აღკვეთით.

23 სექტემბერი - ბოლნისში, „ძალა ერთობაშიას“ და „ნაციონალური მოძრაობის” საარჩევნო შტაბებს თავს დაესხნენ. “ქართული ოცნების” საპარლამენტო უმრავლესობის დეპუტატის და ამჟამად „ნაციონალური მოძრაობის“ მაჟორიტარი კანდიდატის, კახა ოქრიაშვილის საარჩევნო შტაბზე ჩამოხიეს პლაკატები, დააზიანეს სათვალთვალო ვიდეოკამერები, კედლებზე დაწერეს შეურაცხმყოფელი სიტყვები.
თბილისის მერის, კახა კალაძის გადაწყვეტილებით, 87 ოჯახს, რომლებიც წლების განმავლობაში დაუკანონებელ ადგილზე ცხოვრობდნენ, საცხოვრებელი ფართი საკუთრებაში გადაეცემათ. კალაძის თქმით, ამ პროექტის ფარგლებში, ჯამში, 900-მდე ოჯახს დაუკანონდა საცხოვრებელი ფართი. აგვისტოსა და სექტემბრში მთავრობის მიერ 20-მდე მასშტაბური სოციალური პროექტის ინიცირება მოხდა. ეს გადაწყვეტილებები საარჩევნოდ მოტივირებულ საბიუჯეტო ხარჯვად შეიძლება შეფასდეს.

22 სექტემბერი - მარნეულის 22-ე საარჩევნო ოლქის 33-ე საარჩევნო უბნის კომისიის წევრი ფარმან ალაზოვი „ქართული ოცნების” მაჟორიტარი დეპუტატობის კანდიდატის, ზაურ დარგალის მოსახლეობასთან შეხვედრებს დაესწრო. ეს ფაქტი საარჩევნო კოდექსის 45-ე მუხლის მე-4 ნაწილის დარღვევაა, რაც სანქციად 2000 ლარის ჯარიმას ითვალისწინებს.

20 სექტემბერი - „ნაციონალური მოძრაობის” ისნის მაჟორიტარი კანდიდატის, ხატია დეკანოიძის განცხადებით, მასზე და მის ოჯახის წევრებზე, მათ შორის მის 21 წლის შვილზე მიმდინარეობს უკანონო თვალთვალი და ფარული მიყურადება. უკანონო თვალთვალი და ფარული მიყურადება დანაშაულია. მნიშვნელოვანია, საქმეზე დროული და ეფექტიანი გამოძიება წარიმართოს.

19 სექტემბერი - გლდანულაში გაიხსნა სკვერი, სადაც „ქართული ოცნების“ პარტიული დროშები ჩამოკიდეს.ირღვევა საარჩევნო კოდექსის 45-ე მუხლის მე-7 ნაწილი (უკანონო აგიტაცია), რომელიც ითვალისწინებს ჯარიმას 2000 ლარის ოდენობით.

18 სექტემბერი - „ერთიანი ნაციონალური მოძრაობის" აქტივისტს, ლაშა ცუცქირიძეს თბილისში, საბურთალოს რაიონში მდებარე შტაბიდან გამოსვლის შემდეგ თავს დაესხნენ ნიღბიანი პირები, რის შედეგადაც მან სხეულის დაზიანება მიიღო. ჯგუფურად ჩადენილი ძალადობა ისჯება ჯარიმით, საზოგადოებისათვის სასარგებლო შრომით, ანდა 2 წლამდე თავისუფლების აღკვეთით.

17 სექტემბერი - სამგორში, აფრიკის დასახლებაში, „ნაციონალური მოძრაობის” მაჟორიტარობის კანდიდატის, ლევან ხაბეიშვილის შტაბს თავს დაესხნენ. ხაბეიშვილის თქმით, შემთხვევა 17 სექტემბერს, გვიან ღამით მოხდა. მისივე თქმით, სავარაუდოდ, ორმა პირმა შტაბს აგურები ესროლა და ჩაამსხვრია მინები. სხვისი ნივთის დაზიანება სისხლის სამართლის კოდექსის 187-ე მუხლით გათვალისწინებული დანაშაულია. ასეთი ქმედება ისჯება ჯარიმით, საზოგადოებისათვის სასარგებლო შრომით, გამასწორებელი სამუშაოთი, შინაპატიმრობით ან თავისუფლების აღკვეთით ვადით ერთიდან სამ წლამდე.

16 სექტემბერი - ზუგდიდის მუნიციპალიტეტის ერთ-ერთ სკოლაში დირექტორმა მასწავლებლებს „ქართული ოცნების“ მხარდამჭერთა სიის მიტანა მოსთხოვა, ერთ-ერთ სხვა სკოლაში კი იმავე პარტიის მაჟორიტარობის კანდიდატის, ირაკლი ჩიქოვანის წინასაარჩევნო შეხვედრაზე დასწრება სთხოვა, რადგან მისი თქმით, პარტიიდან დაურეკეს და მასწავლებლების შეკრება თხოვეს. ორივე პირმა ანონიმურად დარჩენა ისურვა. მათ ორგანიზაციის წარმომადგენელი ესაუბრა.საარჩევნო კოდექსით აკრძალულია სამსახურებრივად დაქვემდებარებული ან სხვაგვარად დამოკიდებული პირის ჩაბმა ისეთ საქმიანობაში, რომელიც ხელს უწყობს რომელიმე კანდიდატის არჩევას.დირექტორის მიერ მასწავლებლის იძულება, შეასრულოს ისეთი მოქმედება, რომლის შესრულებისაგან თავის შეკავებაც მისი უფლებაა, სისხლის სამართლის კოდექსის 150-ე მუხლით გათვალისწინებული დანაშაულია.

11 სექტემბერი - მცხეთაში საქართველოს პრემიერ-მინისტრი, გიორგი გახარია და „ქართული ოცნების" გენერალური მდივანი კახა კალაძე, „ქართული ოცნების" მაჟორიტარი დეპუტატი დიმიტრი ხუნდაძე საარჩევნო კამპანიის ფარგლებში, კინოთეატრის შენობის არქეოლოგიურ მუზეუმად ადაპტაციის პროექტის დეტალებს გაეცნენ. ეს ფაქტი პრობლემურია, რადგან კარგი საერთაშორისო პრაქტიკით, სახელმწიფოსა და მმართველ პოლიტიკური პარტიას შორის მკვეთრი ზღვარი უნდა არსებობდეს.
9 სექტემბერი - ზუგდიდში „ლელოს“ კანდიდატების წარდგენისას ბიუჯეტიდან დაფინანსებული მუნიციპალური ა(ა)იპ-ების თანამშრომლები კონტრაგიტაციას ეწეოდნენ. მათ სამუშაო საათებში ეკრძალებათ აგიტაცია, რომელიც კონტრაგიტაციასაც მოიცავს. გარდა ამისა ქმედება წინასაარჩევნო კამპანიის წარმოებაში ხელის შეშლის ნიშნებსაც ატარებდა. უკანონო აგიტაციაში მონაწილეობისათვის გათვალისწინებულია ჯარიმა 2000 ლარის ოდენობით.

8 სექტემბერი - დმანისისში ახალი სკვერი მუნიციპალიტეტის მერმა გიორგი ტატუაშვილმა, „ერთიანი ნაციონალური მოძრაობის“ დმანისი-წალკის მაჟორიტართან – კახა ოქრიაშვილთან ერთად გახსნა. მერის მხრიდან დაირღვა საარჩევნო კოდექსის 45-ე მუხლის მე-7 ნაწილი (უკანონო აგიტაცია), რაც ითვალისწინებს ჯარიმას 2000 ლარის ოდენობით.

6 სექტემბერი - ბოლნისის საკრებულოს წევრი „ქართული ოცნებიდან”, ვუგარ ისაევმა, ტელეკომპანია „მთავარი არხის“ ჟურნალისტს პროფესიული საქმიანობის განხორციელებისას სიტყვიერი შეურაცხყოფა მიაყენა და სავარაუდოდ დანით დაჭრით დაემუქრა. ჟურნალისტი რეგიონში საარჩევნო კამპანიის ფარგლებში დეპუტატობის ოპოზიციონერი კანდიდატის ამომრჩევლებთან შეხვედრას აშუქებდა.

ძალადობის მუქარით ჟურნალისტისათვის პროფესიულ საქმიანობაში უკანონოდ ხელის შეშლა, სისხლის სამართლის კოდექსის 154-ე მუხლის მეორე ნაწილით გათვალისწინებული დანაშაულია.

3 სექტემბერი - შიდა ქართლის სამ მუნიციპალიტეტში, „ქართული ოცნების“ გენერალურმა მდივანმა კახა კალაძემ და პრემიერ-მინისტრმა გიორგი გახარიამ, შესაბამისი ოლქების მაჟორიტარობის კანდიდატებთან, ირაკლი მეზურნიშვილთან, გიორგი ხოჯევანიშვილთან და ზაზა დუგლაძესთან ერთად ბიუჯეტიდან დაფინანსებული ოთხი ინფრასტრუქტურული პროექტი დაათავლიერეს და წინასაარჩევნო აგიტაცია გასწიეს. ეს ფაქტი პრობლემურია, რადგან კარგი საერთაშორისო პრაქტიკით, სახელმწიფოსა და მმართველ პოლიტიკური პარტიას შორის მკვეთრი ზღვარი უნდა არსებობდეს.

ამასთან, ორგანიზაციის ცნობით, დარღვევის ფაქტები მოიცავდა აგვისტოს თვესაც.

„29-31 აგვისტო - აჭარის ოთხ მუნიციპალიტეტში ბათუმში, ხულოში, შუახევსა და ქობულეთში „ქართული ოცნების“ გენერალურმა მდივანმა კახა კალაძემ და პრემიერ-მინისტრმა გიორგი გახარიამ, შესაბამისი ოლქების მაჟორიტარობის კანდიდატებთან, რესან კონცელიძესთან, ანზორ ბოლქვაძესთან და ცოტნე ანანიძესთან ერთად ბიუჯეტიდან დაფინანსებული ექვსი ინფრასტრუქტურული პროექტი დაათვალიერა და წინასაარჩევნო აგიტაცია ჩაატარა. ეს ფაქტი პრობლემურია, რადგან კარგი საერთაშორისო პრაქტიკით, სახელმწიფოსა და მმართველ პოლიტიკური პარტიას შორის მკვეთრი ზღვარი უნდა არსებობდეს.

18 და 21 აგვისტო - ქვემო ქართლის ოთხ მუნიციპალიტეტში თეთრიწყაროში, წალკაში, მარნეულსა და გარდაბანში „ქართული ოცნების“ გენერალურმა მდივანმა კახა კალაძემ და პრემიერ-მინისტრმა გიორგი გახარიამ, პარლამენტის თავმჯდომარემ არჩილ თალაკვაძემ შესაბამისი ოლქების მაჟორიტარობის კანდიდატებთან, გოგი მეშველიანთან და ზაურ დარგალთან ერთად ბიუჯეტიდან დაფინანსებული შვიდი ინფრასტრუქტურული პროექტი მოინახულა და წინასაარჩევნო აგიტაცია ჩაატარა. ეს ფაქტი პრობლემურია, რადგან კარგი საერთაშორისო პრაქტიკით, სახელმწიფოსა და მმართველ პოლიტიკური პარტიას შორის მკვეთრი ზღვარი უნდა არსებობდეს.

18 აგვისტო - ნინოწმინდის მერიიდან ექვსი თანამშრომელი საკუთარი განცხადებით, ხოლო 10 ე.წ.სოფლის რწმუნებული ხელშეკრულების ვადის გასვლის გამო გაათავისუფლეს. ერთ-ერთი გათავისუფლებული ჟორა სნხჩიანი აცხადებს, რომ სამცხე-ჯავახეთის სამხარეო ადმინისტრაციის წარმომადგენელმა უთხრა, რომ სამსახურიდან წასულიყო.

პირის იძულება, დაწეროს განცხადება საკუთარი ინიციატივით სამუშაოდან განთავისუფლების თაობაზე, სისხლის სამართლის კოდექსის 169-ე მუხლით გათვალისწინებული დანაშაულია. ასეთი ქმედება ისჯება ჯარიმით ან თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

17 აგვისტო - ვარკეთილის მაჟორიტარობის კანდიდატმა სოზარ სუბარმა წინასაარჩევნო კამპანიის ფარგლებში 215-ე საჯარო სკოლასთან მდებარე სპორტკომპლექსი დაათვალიერა, რომელიც თბილისის მერიის დაფინანსებით გარემონტდა. ეს ფაქტი პრობლემურია, რადგან კარგი საერთაშორისო პრაქტიკით, სახელმწიფოსა და მმართველ პოლიტიკური პარტიას შორის მკვეთრი ზღვარი უნდა არსებობდეს.

11 აგვისტო - ლაგოდეხში პრემიერ-მინისტრი, გიორგი გახარია, „ქართული ოცნების“ გენერალურ მდივან, კახა კალაძესთან, „ქართული ოცნების“ პოლიტიკურ მდივან, ირაკლი ღარიბაშვილთან და თელავის, ახმეტის, ყვარლისა და ლაგოდეხის საარჩევნო ოლქში „ქართული ოცნების“ მაჟორიტარი დეპუტატობის კანდიდატ ირაკლი ქადაგიშვილთან ერთად, ბიუჯეტიდან დაფინანსებული ორი ინფრასტრუქტურული პროექტი დაათვალიერა და წინასაარჩევნო აგიტაცია ჩაატარა. ეს ფაქტი პრობლემურია, რადგან კარგი საერთაშორისო პრაქტიკით, სახელმწიფოსა და მმართველ პოლიტიკური პარტიას შორის მკვეთრი ზღვარი უნდა არსებობდეს“, - ნათქვამია ინფორმაციაში.

როგორც ორგანიზაციაში აცხადებენ, 1-29 სექტემბრის პერიოდში, 22 შემთხვევა გამოვლინდა, როდესაც სამეგრელოს მუნიციპალიტეტების მერიების სხვადასხვა საჯარო მოსამსახურის მხრიდან სამუშაო საათებში „ფეისბუქზე“ მმართველი პარტიის სასარგებლო აგიტაცია ხდებოდა. ეს ქმედება საარჩევნო კოდექსის 45-ე მუხლის მე-4 ნაწილის დარღვევაა და ითვალისწინებს ჯარიმას 2000 ლარის ოდენობით.

წინასაარჩევნოდ ყველაზე მეტი შემოწირულობა “ქართულმა ოცნებამ” მიიღო

24 ოქტომბერი, 2020 , 16:15

სახელმწიფო აუდიტის სამსახურის 2020 წლის 31 ოქტომბრის არჩევნების ფინანსური მონიტორინგის შუალედური ანგარიშის მიხედვით, ყველა საარჩევნო პარტიამ ერთად შემოსავლის სახით 23 846 652 ლარი მიიღო. აქედან 22 602 245 ლარი

სისტემური შეზღუდვები არ იგეგმება, იქნება წერტილოვანი ღონისძიებები, ამის ფასი მარტივია - პირბადე უნდა ვატაროთ და ელემენტარული წესები დავიცვათ - გიორგი გახარია

24 ოქტომბერი, 2020 , 15:45

სახელმწიფოს რესურსი, ბიზნესის, ისევე როგორც ცალკე აღებული მოქალაქეების მხარდაჭერის ნაწილში არის საკმაოდ შეზღუდული, ეს ყველას კარგად გვესმის; შესაბამისად, მიზნობრიობას ექნება უკიდურესად დიდი მნიშვნელობა მეორე ტალღის პერიო

ოთო კახიძეს და მის ცოლს კორონავირუსი დაუდასტურდათ

24 ოქტომბერი, 2020 , 15:20

"ევროპული საქართველოს" დეპუტატს, ოთო კახიძეს და მის ცოლს კორონავირუსი დაუდასტურდათ. ამის შესახებ ინფორმაცია პოლიტიკოსმა საკუთარ Facebook გვერდზე გაავრცელა. "მოკლედ, კოვიდინფიცირებულებს მე და ნანუკაც შევუერთდით. თავს ვირუ

“არა ეპიდემიურ ბიუროკრატიას” - ჯანდაცვის სამინისტროსთან აქცია მიმდინარეობს

24 ოქტომბერი, 2020 , 15:20

არა ეპიდემიურ ბიუროკრატიას, - ამ სლოგანით ჯანდაცვის სამინისტროსთან "ლეიბოროსტული პარტიის" ერთ-ერთი ლიდერი ლაშა ჩხარტიშვილი მხარდამჭერებთან ერთად აქცია მართავს. ისინი ისინი ითხოვენ, პანდემიის დროს მოქალაქეებს პირბადეები დ

რას მალავს ივანიშვილი - ნიკა გვარამიას ინტერვიუ `ქართუ ჯგუფის` ყოფილ ვიცე-პრეიზდენტთან

24 ოქტომბერი, 2020 , 15:20

"მთავარი არხის" გენერალურმა დირექტორმა, არჩევნებამდე ერთი კვირით ადრე, "ქართუ ჯგუფის" ყოფილ ვიცე-პრეიზდენტთან და ივანიშვილის უსაფრთხოების სამსახურის უფროსთან, ელდარ გოგოლაძესთან, სკანდალური ინტერვიუ ჩაწერა. ეს ელდარ გოგო

მთავრობის მხრიდან მკაცრად რეკომენდებულია პირბადის ტარება გარე სივრცეებშიც - ნათია მეზვრიშვილი

24 ოქტომბერი, 2020 , 14:45

გარე სივრცეში, იქ, სადაც თავშეყრას აქვს ადგილი, სადაც დისტანციის დაცვა შეუძლებელია, მაგალითად რიგებში, გაჩერებებზე და ა.შ, პირბადის ტარება და დისტანციის დაცვა არის მკაცრად რეკომენდირებული მთავრობის მხრიდან, - ამის შესახე