უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
პოლიტიკა
საერთაშორისო საარბიტრაჟო სასამართლოსთან მემორანდუმი გაფორმდება
იუსტიციის სამინისტროს ძალისხმევით და პრემიერ-მინისტრის ინსტრუქციის შესაბამისად დავასრულეთ საკმაოდ რთული და კომპლექსური მოლაპარაკებები პარიზში შტაბბინის მქონე საერთაშორისო საარბიტრაჟო სასამართლოსთან, რომელიც გახლავთ საერთაშორისო სავაჭრო პალატის არბიტრაჟი, - განაცხადა საქართველოს იუსტიციის მინისტრმა თეა წულუკიანმა.
მისი თქმით, 20 დეკემბერს საარბიტრაჟო სასამართლოს თავმჯდომარე ალექსის მურთან ერთად, პარიზში ხელს მოაწერს საქართველოსა და საერთაშორისო სავაჭრო პალატის საარბიტრაჟო სასამართლოს შორის თანამშრომლობის და ურთიერთგაგების მემორანდუმს.
წულუკიანის განმარტებით, მემორანდუმი გულისხმობს რამდენიმე ძალიან მნიშვნელოვან კომპონენტს ჩვენი ქვეყნისთვის, რომლის ამბიციაც გახლავთ საქართველოს ფინანსურ ცენტრად ჩამოყალიბება, რაც წარმოუდგენელი იქნება შესაბამისი საერთაშორისო საარბიტრაჟო ინსტიტუტის გარეშე.
,,მემორანდუმი გულისხმობს იმას, რომ ჩვენ ერთობლივად დავიწყებთ მუშაობას საარბიტრაჟო შესაძლებლობების და ინფრასტრუქტურის შექმნაზე, ამისათვის მხარეები ვიღებთ ერთწლიან ვადას. ვიმუშავებთ იმაზე, რომ მოხდეს დღეს საქართველოს ბაზარზე მომუშავე არბიტრების კვალიფიკაციის კიდევ უფრო ამაღლება და გაძლიერდეს საქართველოს სავაჭრო პალატის საარბიტრაჟო ცენტრი, რომელმაც სულ რამდენიმე წელიწადში მოახერხა, რომ მოცულობითი და საერთაშორისო არბიტრების ჩართულობით საარბიტრაჟო კომერციული დავები განეხილა.
როდესაც ჩვენ ერთი წლის თავზე შევაჯამებთ ერთობლივი ძალისხმევის შედეგებს, მემორანდუმის თანახმად, მივიღებთ გადაწყვეტილებას, რომ განვსაზღვროთ ფორმა, რა ფორმითაც საერთაშორისო სავაჭრო პალატის საერთაშორისო არბიტრაჟი გააკეთებს საქართველოში თავის წარმომადგენლობას ან ფილიალს - რა ფორმით იქნება ეს, ამაზე ერთი წლის თავზე მივიღებთ გადაწყვეტილებას. ამას ამბობს ეს მემორანდუმი, რომელიც პრაქტიკულად, რთული მოლაპარაკებების შედეგად გზას გვიხსნის ჩვენ, ქვეყანას, რომ მომავალში გავხდეთ საერთაშორისო საარბიტრაჟო ცენტრი ჩვენი რეგიონის ამ სიტყვის ფართო გაგებით.
ძალიან მნიშვნელოვანია საზოგადოებისთვის, ვიცოდეთ, რომ ეს მემორანდუმი ვერ იქნებოდა ხელმოწერილი, მოლაპარაკებები ვერ დამთავრდებოდა წარმატებით, რომ არ გასჩენოდა საარბიტრაჟო სასამართლოს იმის მყარი განცდა, რომ საქართველოს მართლმსაჯულება და სასამართლო სისტემა არის არბიტრაჟის პროცედურების შესაბამისი; რომ ჩვენს მოსამართლეებს აქვთ საერთაშორისო და ქართულ საარბიტრაჟო სამართალში შესაბამისი კვალიფიკაცია და კომპეტენცია. ამის გარეშე ქვეყნებთან საერთაშორისო საარბიტრაჟო ინსტიტუტები არ თანამშრომლობენ.
მე მინდა ჩვენს მართლმსაჯულების სისტემასაც მივულოცო ეს შეფასება - ეს წარმატებაა, რადგან მემორანდუმის საფუძველი არის სწორედ ჩვენი მოსამართლეების კვალიფიკაცია საარბიტრაჟო ჭრილში“, - განაცხადა თეა წულუკიანმა.