საზოგადოება

საფიქრალია იმაზე, არის თუ არა საჭირო კვოტების მექანიზმის შემოღება, რომ მეტი ქალი იყოს წარდგენილი საჯარო სივრცეში - ანა დოლიძე

ეროვნულ-დემოკრატიული ინსტიტუტის (NDI) ორგანიზებით, ქალთა შესახებ კონფერენცია „გავიმარჯვოთ ქალებთან ერთად“ გაიმართა.

კონფერენციაში მონაწილე არასამთავროობო ორგანიზაციებისა და პოლიტიკური წრეების წარმომადგენლები საკუთარი შეხედულებები წარადგინეს, თუ როგორ უნდა გაიზარდოს ქალთა ჩართულობა პოლიტიკაში.

როგორც პრეზიდენტის საპარლამენტო მდივანმა, ანა დოლიძემ კონფერენციის ფარგლებში მედიას განუცხადა, საფიქრალია იმაზე, არის თუ არა საჭირო კვოტების მექანიზმის შემოღება, რომ მეტი ქალი იყოს წარდგენილი საჯარო სივრცეში.

„საფიქრალია ძალიან ბევრ ბერკეტზე, რომელიც შეუწყობს ხელს, რომ მეტი ქალი იყოს წარმოდგენილი საჯარო სივრცეში და პოლიტიკაში. მათ შორის გვისაუბრია იმაზე, რომ საფიქრალია იმაზე, რომ მივიღოთ თუ არა კვოტების მექანიზმი მაგალითად. მაგრამ რაც მთავარია ჩვენ უნდა გავიხსენოთ და დავფიქრდეთ იმაზე, რომ ქალების აქტიური მონაწილეობა საჯარო სივრცეში არის ჩვენი, ქართული იდენტობის განუყოფელი ნაწილი“,-აღნიშნა დოლიძემ.

მონიკა დავლიანიძე