პოლიტიკა

საგარეო საქმეთა მინისტრის მოადგილე მონაწილეობას მიიღებს „აღმოსავლეთ პარტნიორობის“ არაფორმალური დიალოგის მერვე შეხვედრაში

საგარეო საქმეთა მინისტრის მოადგილე გიგი გიგიაძე მონაწილეობას მიიღებს 2016 წლის 17 ნოემბერს ქ. ერევანში დაგეგმილ „აღმოსავლეთ პარტნიორობის“ არაფორმალური დიალოგის მერვე შეხვედრაში.

საგარეო საქმეთა მინისტრების შეხვედრაში, პარტნიორი ქვეყნების საგარეო პოლიტიკური უწყებების ხელმძღვანელებთან ერთად, ევროკავშირის მხრიდან მონაწილეობას მიიღებენ ევროკომისარი ევროპული სამეზობლო პოლიტიკისა და გაფართოების მოლაპარაკებების საკითხებში იოჰანეს ჰანი და ევროკავშირის საგარეო ქმედებათა სამსახურის გენერალური მდივნის მოადგილე ჟან კრისტოფ ბელიარდი.

შეხვედრაზე ძირითადი აქცენტი გაკეთდება„ აღმოსავლეთ პარტნიორობის“ რიგის სამიტზე განსაზღვრული პრიორიტეტების განხორციელების მიმდინარეობაზე და ევროპული სამეზობლო პოლიტიკის ფარგლებში თანამშრომლობის გაღრმავების პერსპექტივებზე, _ აცნობეს მედიანიუსს საგარეო უწყებიდან.