კომენტარი

ჩვენ ძალიან დასაფასებელი ინფორმაცია მივიღეთ - ირაკლი კიკნაველიძე `ომეგა ჯგუფის` საქმეზე

“ევროპული საქართველო - მოძრაობა თავისუფლებისთვის” პოლიტიკური საბჭოს წევრი, ირაკლი კიკნაველიძე, “ომეგა ჯგუფის” საქმეს ეხმაურება.

„ბატონი ოქუაშვილის ბოლო კვირების საქმიანობამ ჩვენ დამატებითი ინფორმაცია მოგვაწოდა და ძალიან მნიშვნელოვანი ინფორმაცია მოგვაწოდა იმ სისტემური კორუფციის და შეიძლება ვთქვათ, რომ ორგანიზებული დანაშაულის შესახებ, რომელიც ქართული ოცნების ხელისუფლებაში არსებობს და მათ მიერ იმართება.

ჩვენ ძალიან დასაფასებელი ინფორმაცია მივიღეთ და ეს იყო, შეიძლება ითქვას, ერთ-ერთი გარღვევაც კი ბოლო წლების განმავლობაში, იმიტომ, რომ დადასტურდა ყველა ის ეჭვი, რაც არსებობდა „ქართული ოცნების“ ხელისუფლების მიმართ,“ - განაცხადა ირაკლი კიკნაველიძემ.

„ომეგა ჯგუფის” თამბაქოს ქარხანამ სამთვიანი იძულებითი პაუზის შემდეგ მუშაობა განაახლა. გუშინ გვიან ღამით კომპანიას, აქციზური მარკები გადასცეს, რის შემდეგაც ქარხნის ამუშავება შესაძლებელი გახდა.