პოლიტიკა

საკონსტიტუციო კომისია მუშაობას დეკემბრის ბოლომდე შეუდგება

საკონსტიტუციო კომისიის თავმჯდომარე ირაკლი კობახიძე გახდა. კომისია მუშაობას მიმდინარე წლის ბოლომდე შეუდგება და საბოლოო პროექტი 2017 წლის 30 აპრილამდე უნდა შეიმუშავოს.

„საკონსტიტუციო კომისიის შექმნის შესახებ კანონპროექტი ინიცირებულია, რომელიც ითვალისწინებს საკონსტიტუციო კომისიის დაფუძნებას, იმავე ფორმატით რა ფორმატიტაც ის შეიქმნა სამი წლის წინ.

კომისიის თავმჯდომარე იქნება საქართველოს პარლამენტის თავმჯდომარე, კომისიის შემადგენლობაში შევლენ, როგორც საპარლამენტო ისე არასაპარლამენტო პარტიები, ასევე საკონსტიტუციო ორგანოების წარმომადგენლები, სამოქალაქო სექტორის წარმომადგენლები და ექსპერტები, _ განაცხადა დღეს ბრიფინგზე პარლამენტის თავმჯდომარემ.

მისი თქმით, კომისიის საქმიანობა დაეფუძნება გამჭვირვალობის პრინციპს და გათვალისწინებული იქნება ყველა დაინტერესებული მხარის ფართო ჩართულობა. გარდა ამისა, უზრუნველყოფილი იქნება შემუშავებული პროექტის შეფასებაში ჩვენი უცხოელი პარტნიორების, განსაკუთრებით, ვენეციის კომისიის აქტიური მონაწილეობა, რასთან დაკავშირებითაც უკვე იმართება მოლაპარაკებები ჩვენს უცხოელ მეგობრებთან.

„კომიისის მიზანია, კონსტიტუციური გადასინჯვისთვის იმგვარი კანონის შემუშავება, რომლის მიღება უზრუნველყოფს კონსტიტუციის სრულ შესაბამისობას, კონსტიტუციური სამართლის ფუნდამენტურ პრინციპებთან და ქვეყნის გრძელვადიანი დემოკრატიული განვითარების ინტერესის შესაბამისი კონსტიტუციური სისტემის ჩამოყალიბებას.

დადგენილების პროექტის თანახმად, კომისია მუშაობას მიმდინარე წლის ბოლომდე შეუდგება და საბოლოო პროექტს შეიმუშავებს, მომავალი წლის 30 აპრილამდე, რის შემდეგაც დაიწყება პროექტის საყოველთაო-სახალხო განხილვა და საპარლამენტო მოსმენები“,-განაცხადა კობახიძემ.

მონიკა დავლიანიძე