პოლიტიკა
საკონსტიტუციო მონარქიის იდეაზე შესაძლებელია პლებისციტის ჩატარებაც - ეკა ბესელია
იურიდიულ საკითხთა კომიტეტის თავმჯდომარის, ეკა ბესელიას განცხადებით, მონარქიის აღდგენაზე, შესაძლოა, პლებისციტი ჩატარდეს.
„ალბათ, შესაძლებელია პლებისციტის ჩატარებაც. ჩვენ მოსახლეობის გამოკითხვის არცერთი ფორმა არ უნდა გამოვრიცხოთ. თუ ვსაუბრობთ მომავალში რაიმე ცვლილებაზე კონსტიტუციურ მოწყობასთან დაკავშირებით, ასეთ მნიშვნელოვან გადაწყვეტილებას ყოველთვის ხალხი იღებს. თუმცა ჯერ საუბარია, რომ ამისთვის შესაძლოა, ღია დისკუსია დაიწყოს საზოგადოებამ, კარგად უნდა გაცნობიერდეს ეს იდეა თუ რას ნიშნავს და რა იგულისხმება. ეს იდეა ნამდვილად ღირს, რომ საზოგადოებაში იყოს მსჯელობა",- განუცხადა ბესელიამ ჟურნალისტებს.
შეგახსენებთ, გუშინ საკვირაო ქადაგებაში საქართველოს კათოლიკოს-პატრიარქი ილია მეორე გამოვიდა ინიციატივით, რომ ქვეყანაში საკონსტიტუციო მონარქიაზე დაიწყოს მსჯელობა.
ანა მებურიშვილი