კომენტარი

საკონსტიტუციო ცვლილებებზე მომუშავე კომისიის ფორმატი პროცესის მიუკერძოებლობის მიმართ ეჭვს ბადებს - გიორგი მარგველაშვილი

საქართველოს პრეზიდენტი საკონსტიტუციო ცვლილებებზე მომუშავე კომისიის ფორმატის საკითხს ეხმიანება, და აცხადებს, რომ საკონსტიტუციო ცვლილებების შეტანა მაღალი საზოგადოებრივი ჩართულობით უნდა ხდებოდეს, მაღალი ლეგიტიმაციისა და ნდობის უზრუნველყოფით.

ამის შესახებ ტრადიციულ ყოველკვირეულ ბრიფინგზე პრეზიდენტის პრესსპიკერმა ეკა მიშველაძემ განაცხადა.

„ეს არის კონსტიტუციური მაქსიმა და არა ვინმეს კეთილი ნება. სწორედ ამიტომ, პრეზიდენტმა საზოგადოებას სამუშაო ჯგუფის განსხვავებული ფორმატი შესთავაზა, ხელისუფლების უმაღლესი პირების თანათავმჯდომარეობით და ვენეციის კომისიის ჩართულობით, რათა პროცესს მაღალი ლეგიტიმური დაცულობის და სანდოობის წინაპირობა ჰქონოდა. სამწუხაროდ, ეს ფორმატი მმართველი გუნდის მიერ უარყოფილ იქნა, რაც პრეზიდენტის აზრით, ამ პროცესის მიუკერძოებლობის მიმართ ეჭვებს აღრმავებს“,-განაცხადა მიშველაძემ.

მონიკა დავლიანიძე