საზოგადოება

საკრებულომ თბილისის მთავრობას 58 შემთხვევაში მისცა თანხმობა ფიზიკური პირისათვის ქონების გადაცემის თაობაზე - „საერთაშორისო გამჭვირვალობა-საქართველო“

არასამავრობო ორგანიზაცია „საერთაშორისო გამჭვირვალობა- საქართველომ” თბილისის მე-5 მოწვევის საკრებულოს სამწლიანი საქმიანობა შეაჯამა.

ანგარიში შეეხო საკრებულოს მიერ მიღებულ მნიშვნელოვან სამართლებრივ აქტებს, მათ შორის მუნიციპალური ქონების გადაცემის საკითხებს, საკრებულოს თანამდებობის პირთა ბიზნესთან კავშირებს, საკრებულოს წევრთა და მის სტრუქტურული ერთეულების საქმიანობას, საკრებულოს მიერ კონტროლის ფუნქციის განხორციელებას და ინფორმაციის ხელმისაწვდომობას.

ანგარიშის თანახმად, საკრებულომ თბილისის მთავრობას 58 შემთხვევაში მისცა თანხმობა ფიზიკური პირის ან კერძო სამართლის იურიდიული პირისათვის ქონების გადაცემის თაობაზე.

„საანაგარიშო პერიოდში საკრებულომ თანხმობა მისცა ქალაქ თბილისის მერიას ეკლესიისთვის საერთო ჯამში 183,414.00 კვ.მ. მიწის ფართობის გადაცემაზე. საპრივატიზაციო პირობა უმეტეს შემთხვევაში არის ეკლესიის აშენება, ასევე სკვერის მოწყობა, კულტურულ-საგანმანათლებლო ცენტრის მშენებლობა, გამწვანება და კეთილმოწყობა.

ასევე, უძრავი ქონება პირდაპირი განკარგვის ფორმით გადაეცა-28 შემთხვევაში სიმბოლურ ფასად 1 ლარად“,-აღნიშნულია ანგარიშში.