კომენტარი

სამსონ ქუთათელაძეს სხეულზე ცეცხლსასროლი იარაღით 6 ჭრილობა აქვს მიყენებული - ნათია მეზვრიშვილი

შინაგან საქმეთა მინისტრის მოადგილი, ნათია მეზვრიშვილი გენერალ სამსონ ქუთათელაძის მკვლელობის ფაქტს გამოეხმაურა.

„პირველადი მონაცემებით, გარდაცვლილს სხეულზე ცეცხლსასროლი იარაღით 6 ჭრილობა აქვს მიყენებული. აგრეთვე, გაირკვა, რომ ბაზრობის შიდა ტერიტორიაზე, ასევე, გარდაცვლილის სამუშაო ოთახში, სათვალთვალო კამერები არ იყო დამონტაჟებული, თუმცა ამოღებულია ბაზრობის გარე პერიმეტრზე არსებული ვიდეოსათვალთვალო კამერების ჩანაწერები, რომელთა შესწავლაც მიმდინარეობს.

დანიშნულია შესაბამისი ექსპერტიზა. გამოძიება სისხლის სამართლის კოდექსის ორი - 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს“, - განაცხადა ნათია მეზვრიშვილმა.