საზოგადოება
სანდრო ბრეგაძეს კლინიკის დატოვების შემდეგ დააკავებენ -ადვოკატი
„ქართული მარშის“ წევრს სანდრო ბრეგაძეს კლინიკის დატოვების შემდეგ დააკავებენ. ამის შესახებ “ქართული მარშის” დაკავებული წევრების ადვოკატმა ცირა ჯავახიშვილმა განაცხადა.
ადვოკატის ინფორმაციით, ღუდუშაურის საავადმყოფოში ბრეგაძის კაბინეტთან დაცვაა მობილიზებული.მისივე თქმით, ბრეგაძე გუშინ იმის გამო ვერ დააკავეს, რომ ის პოლიციის განყოფილებაში დაკითხვისას შეუძლოდ გახდა და სასწრაფო დახმარების მანქანით კლინიკაში გადაიყვანეს.
ჯავახიშვილი ბრეგაძის სასტიკ წამებაზე საუბრობს, თუმცა ღუდუშაურის კლინიკის ექიმი ბრეგაძის წამების ფაქტს გამორიცხავს და ამბობს, რომ მას არანაირი ფიზიკური და შინაგანი დაზიანებები არ აღმოაჩნდა.
ცირა ჯავახიშვილი თქმით, “ქართული მარშის“ წევრები გამოკითხვის მოტივით დაიბარეს პოლიციაში და მოულოდნელად დააკავეს. ადვოკატი მიიჩნევს, რომ დაკავება ადმინისტრაციული წესით მოხდა, შემდგომ კი მათი სისხლის სამართლებრივი დევნა დაიწყო, რაც, მისი მოსაზრებით, კანონდარღვევაა.
შეგახსენებთ, რომ "ქართულმა მარშმა" 19 მარტს ტელეკომპანია "რუსთავი 2"-თან საპროტესტო აქცია გამართა. აქციის მონაწილეები გიორგი გაბუნიას მიერ 17 მარტს ეთერში გასულ ხუმრობას აპროტესტებდნენ. მათ ტელეკომპანიის თანამშრომლებს სიტყვიერი და ფიზიკური შეურაცხყოფა მიაყენეს. ასევე დააზიანეს მანქანა, რომლითაც ჟურნალისტი გიორგი გაბუნია გადაადგილდებოდა.
შსს-მ „რუსთავი 2“-თან მომხდარი ფაქტის გამო „ქართული მარშის“ 5 წევრი: მ.ა. ვ.ს. ი.დ. გ.ო. და ლ. ნ. საქართველოს სისხლის სამართლის კოდექსის 239-ე მუხლის მე-2 ნაწილის „ა“ ქვეპუნქტით დააკავა, რაც გულისხმობს ხულიგნობას, ჩადენილს წინასწარი შეთანხმებით ჯგუფის მიერ და ისჯება თავისუფლების აღკვეთით ვადით 2-დან 5 წლამდე.
20 მარტს შსს-მ ინციდენტის გამო „ქართული მარშის“ წევრი ლადო სადღობელაშვილიც დააკავა.
პროკურატურის განცხადებით, ჯერჯერობით ხუთი დაკავებულისთვის ბრალის წარდგენა არ იგეგმება, თუმცა არ არის გამორიხული, რომ ეს საგამოძიებო ღინისძიება დღის ბოლომდე ჩატარდეს.
პროკურატურაში აცხადებენ, რომ ახლა საგამოძიებო მოქმედებები მიმდინარეობს. მათი განცხადებით, რუსთავი 2-ის ჟურნალიტებზე განხორციელებული თავდასხმის ფაქტთან დაკავშირებით გამოძიება კიდევ ორი მუხლით მიმდინარეობს, ეს არის ძალადობისა და სხვისი ნივთის დაზინება დ არ არის გამორიცხული დაკავებულ ხუთ პირს ბრალი ამ მუხლებითაც დაუმძიმდეთ.
რაც შეეხება ლადო სადღობელაშვილისა და კიდევ 4 დაკავებულის საკითხს, ადვოკატის თქმით, მათ ბრალი ოფიციალურად, სავარაუდოდ, ხვალ წარედგინებათ.
ცირა გურგენიძე