უკან
პოლიტიკა
4 მაისი, 2017 16:20
საპარლამენტო უმრავლესობა პრეზიდენტს საკონსტიტუციო ცვლილებების საერთო-სახალხო განხილვაში ჩართვას სთავაზობს
"ქართული ოცნება" საქართველოს პრეზიდენტს საკონსტიტუციო ცვლილებების საერთო-სახალხო განხილვაში ჩართვას სთავაზობს.
შესაბამისი განცხადება ჟურნალისტებთან პარლამენტის ვიცე-სპიკერმა, თამარ ჩუგოშვილმა გააკეთა.
"მგონი ძალიან კარგი იქნება, თუკი საქართველოს პარლამენტის თავმჯდომარე და საქართველოს პრეზიდენტი ერთობლივად გააცნობენ მოსახლეობას და ერთობლივად გაესაუბრებიან საკონსტიტუციო ცვლილებებთან დაკავშირებით, მით უმეტეს პრეზიდენტის ადმინისტრაციას და თავად პრეზიდენტს ეს პროცესი გარკვეული პერიოდია დაწყებული აქვს. ჩვენ ახლა ვიწყებთ რეგლამენტის მოთხოვნებიდან გამომდინარე და მგონი შეიძლება ამ ორი პროცესის გაერთიანება", - განაცხადა თამარ ჩუგოშვილმა.
ნინო ექვთიმიშვილი