საზოგადოება

საქართველო-დაღესტნის საზღართან დაშავებული მესაზღვრეების მდგომარეობა სტაბილურად მძიმეა

საქართველო-დაღესტნის საზღართან მომხდარი აფეთქების შედეგად დაშავებული მესაზღვრეების მდგომარეობა სტაბილურად მძიმეა.

ორი მათგანი მკურნალობას ხეჩიკაშვილის საუნივერსიტეტო კლინიკის რეანიმაციულ განყოფილებაში გადიან.

მესამე მესაზღვრე კი, ამავე კლინიკაში დღეს გადაიყავნეს. მისი ჯანმრთელობის მდგომარეობა შედარებით მსუბუქია, ამიტომ იგი ქირურგიულ განყოფილებაში მოათავსეს.

„სამი პაციენტია ჩვენს კლინიკაში. ორი მათგანი არის მოთავსებული რეანიმაციულ განყოფილებაში. მათი მდგომარეობა არის სტაბილური. შოკიდან გამოსვლის ტენდენცია შეინიშნება. თუმცა, დიაგნოზები სერიოზულია. მესამე პაციენტი ქირურგიულ განყოფილებაში მოვათავსეთ, მას აქვს მარჯვენა მტევანი და თავის არე დაზიანებული. ერთთან არის სხეულის 30% დამწრობა, მეორესთან 50%, ამას ემატება სასუნთქი გზების დაზიანება. თუმცა, საბედნიეროდ, ამ წუთისათვის სიტუაცია კონტროლირებადია“,-განაცხადა მედიასთან საუბარში დამწრობის ცენტრის დირექტორმა გუგა ქაშიბაძემ.

საქართველო-დაღესტნის საზღვრის მონაკვეთზე აფეთქება, სავარაუდოდ გაზმა გამოიწვია. ცეცხლი იმ კარავს გაუჩნდა, რომელშიც მესაზღვრეები ღამეს ათევდნენ.

შემთხვევის შედეგად ერთი მესაზღვრე დაიღუპა, ხოლო სამი დაშავდა.

მონიკა დავლიანიძე