კომენტარი

საქართველო, როგორც პასუხისმგებლიანი სახელმწიფო, ასრულებს დაკისრებულ საერთაშორისო ვალდებულებებს - დავით ზალკალიანი

რუსეთ-საქართველოს შორის ტვირთების კონტროლის შესახებ დადებული შეთანხმების განხორციელებაზე განმარტებები გააკეთა საქართველოს საგარეო საქმეთა მინისტრის მოადგილემ, დავით ზალკალიანმა.

ოფიციალური თბილისი რუსეთს მოუწოდებს შეასრულოს საერთაშორისო ხელშეკრულებით ნაკისრი ვალდებულებები.

საქართველოს საგარეო საქმეთა მინისტრის პირველი მოადგილის, დავით ზალკალიანის თქმით, ხელშეკრულება საქართველოსთან უნდა იყოს იდენტური იმისა, რომელიც გაფორმდება რუსეთთან.

“საქართველო, როგორც პასუხისმგებლიანი სახელმწიფო, ასრულებს დაკისრებულ საერთაშორისო ვალდებულებებს, პირნათელია ამ ხელშეკრულების შესრულებასთან დაკავშირებით. ჩვენ დიდი ხანია დასრულებული გვაქვს შვეიცარულ კომპანიასთან. მათ უნდა განახორციელონ ამ ხელშეკრულებით გათვალისწინებული ადმინისტრირება. ხელშეკრულება, რომელიც იქნება საქართველოსთან, უნდა იყოს იდენტური იმისა, რომელსაც შვეიცარული მხარე გააფორმებს რუსეთის ფედერაციასთან,“ - განაცხადა ზალკალიანმა.

ნინო ექვთიმიშვილი